Astanada Qazaqstandaǵy demografııalyq saıasat máseleleri talqylanyp jatyr
ALMATY. 26 qarasha. QazAqparat - Búgin Astanada «Qazaqstandaǵy demografııalyq saıasat: damý áleýeti jáne balamasy» taqyryby boıynsha respýblıkalyq ǵylymı-tájirıbelik konferentsııa ótip jatyr.
Konferentsııa QR Prezıdentiniń janyndaǵy Áıelder isteri jónindegi ulttyq komıssııanyń, Astana qalasy ákimdiginiń janyndaǵy áıelder isteri jáne otbasylyq-demografııalyq saıasat jónindegi komıısııanyń, sondaı-aq Astana qalasy ákimdiginiń Іshki saıasat basqarmasynyń qoldaýymen ótkizilýde. Konferentsııanyń maqsaty - Qazaqstanda demografııalyq úderister salasyndaǵy problemalardy jandandyrý, belgilengen bilim sheńberinde teris úrdisterdi tómendetý boıynsha zertteýge jáne sheshimder ázirleýge ǵalymdar men mamandardy tartý. Sarapshylardyń aıtýynsha, bul ǵylym áleminde mańyzdy oqıǵa bolyp tabylady. Sebebi - genderlik teńdik problemalary jáne otbasylyq-demografııalyq úderister ǵalymdar men mamandardyń keń tobynyń nazaryna jetkilikti deńgeıde ilinbeı otyr. Osy salanyń kóptegen aspektileri ustanymdardy jáne qazirgi kózqarastardy, onyń ishinde ǵylymı kózqarastardy jańartýdy qajet etedi.
