Astanada Qazaqstanda tuńǵysh ret qaǵanaqtyń kúrdeli patologııasy bar júkti áıelge jasalǵan biregeı operatsııa sátti aıaqtaldy
ASTANA. Sáýirdiń 27-si. QazAqparat - Qazaqstannyń astanasynda Ana men bala ortalyǵy men |Ulttyq medıtsınalyq holdınginiń jedel járdem ortalyǵy qyzmetkerleriniń birlesýimen tuńǵysh ret kúrdeli patologııasy bar júkti áıelge biregeı operatsııa jasaldy, dep habarlaıdy QR Ulttyq medıtsınalyq holdıginiń baspasóz qyzmeti.
Emdelýshi Ulttyq Ǵylymı ana men bala ortalyǵynyń júkti áıelder patologııasy bólimine Aqmola oblysynan keldi. Tekserý barysynda dıagnostıkanyń jańasha ádisterin qoldanǵan Ortalyq mamandary óte sırek kezdesetin, alaıda júktiliktiń aýyr shıelenisýin anyqtap aldy - bul halyq arasynda «bala orny» degen atpen belgili qaǵanaqtyń ósimi men tolyqtaı jatýy. Qaǵanaqtyń jabysýynyń aýytqýlary óte sırek kezdesedi, biraq ana men onyń balasy úshin úlken qaýip-qater tóndiredi. Qaǵanaqtyń ósiminiń negizgi qaýipti faktorlaryna jatyrishilik hırýrgııalyq operatsııalar (jasandy túsik, mıomektomııa), jatyrdyń qabynýshylyq derti, sondaı-aq balany ishten jaryp alýdan keıingi jatyrdaǵy tyrtyq jatqyzylady.
Jaǵdaıdy qıyndatqan taǵy bir jaǵdaı - júkti áıelge buǵan deıin eki ret ishten jaryp alý operatsııasy jasalǵan bolatyn. Qaǵanaqtyń ósýi jaǵdaıynda bosanýdan keıin qan ketýi, bolashaq ana ómirine qaýip tónýi múmkin.
Emdelýshi patologııasynyń eleýli ekenin eskere otyryp «UǴABO» AQ-nyń bas dárigeriniń orynbasary, professor Talshyn Úkibasovanyń basqarýymen jınalǵan konsılıýmde jatyr tamyrlaryna elimizdiń basqa eshqandaı klınıkalarynda bolyp kórmegen joǵary tehnologııaly tájirıbeni qoldaný týraly sheshim qabyldandy.
Rentgenologııalyq bólimniń qyzmetkerleri - Dýlat Tájibaev, operatsııalyq blok - Lázzat Sáıdildına, operatsııalyq top - Talshyn Úkibasova, Zoıa An, Sergeı Lı, anestezıolog-reanımatolog dáriger Marat Gareev, sondaı-aq «Respýblıkalyq jedel járdem ǵylymı ortalyǵy» AQ dıagnostıka bóliminiń jetekshisi Sergeı Borovskoıdyń úılesimdi jumysynyń arqasynda operatsııa sátti ótti.
Ortalyq mamandarynyń aıtýynsha, bul operatsııa bolashaqta aýsherlik qan ketý kezinde áıelderdiń jatyr organdaryn saqtap qalýǵa, sondaı-aq analar óliminiń deńgeıin tómendetýge jol ashady.
