Astanada Qazaqstan-Japonııa bıznes forýmy ótti
Forýmnyń ashylýynda QR Investıtsııalar jáne damý vıtse-mınıstri Arystan Qabıkenov Japonııa Qazaqstannyń Shyǵys Azııadaǵy negizgi strategııalyq seriktesteriniń biri ekenin atap ótti. Ol eki el arasynda 2015 jyldan beri Investıtsııalardy kótermeleý jáne ózara qorǵaý týraly kelisim bar ekenin aıtty.
«Qazaqstan táýelsizdik alǵan alǵashqy jaldardan bastap sheteldik ınvestorlar úshin qolaıly jaǵdaı jasaý arqyly ekonomıkalyq ósýdi qolǵa aldy. Japonııa Qazaqstannyń eń iri ınvestorlarynyń qataryna kiredi. 2005-2017 jyldar aralyǵynda Japonııadan Qazaqstanǵa quıylǵan tikeleı ınvestıtsııanyń jappaı aǵyny 5 mlrd AQSh dollarynan asyp jyǵylady», - dedi A.Qabıkenov
Óz kezeginde, Japonııanyń ekonomıka, saýda jáne ónerkásip mınıstrliginiń halyqaralyq ister jónindegi vıtse-mınıstri Tadao ıAnase japondyq kompanııalardyń Qazaqstanǵa ınvestıtsııa salýǵa qyzyǵýshylyq tanytyp otyrǵanyn atap ótti.
Qazaqstan-japon ekonomıkalyq komıssııa tóraǵasynyń orynbasary, «ITOTıÝ» korporatsııasynyń keńesshisi Tosııýkı Kosýgı «Qazir biz eki el arasyndaǵy damý strategııasynyń jańa bastamalaryn júzege asyrýdy qolǵa alyp jatyrmyz. Ótken jyly Qazaqstan Úkimeti «Tsıfrlyq Qazaqstan» baǵdarlamasyn qabyldady. Osy jolda ári qaraı da kóptegen baǵyttarda naqty eki jaqty qarym-qatynas qalyptastyrýdy qalaımyn», - dedi ol.
Sonymen Qazaqstan-Japonııa ekijaqty yntymaqtastyq forýmy aıasynda birneshe memorandýmǵa qol qoıyldy. Atap aıtqanda, «Kazakh Invest» basqarmasynyń tóraǵasy Saparbek Tuıaqbaev pen «Marýbenı Korporeıshn» kompanııasynyń vıtse-tóraǵasy ıAmadzoe Sıgerý Almaty qalasynda qalalyq kólikti damytý boıynsha ózara túsinistik jónindegi memorandýmǵa qol qoıyldy.
«KazTsentr JKH» AQ, «Mitsui & Co LTD» jáne «Japansystem Planing LTD» arasynda jylý jáne sýmen jabdyqtaý júıelerinde pılottyq jobany júzege asyrý boıynsha ózara túsinistik pen yntymaqtastyq týraly memorandýmǵa, «Kazakhstan Nuclear Power Plants» pen «The Japan Atomic Power Company», «Marubeni Utility Services Ltd» arasynda ıadrolyq energetıka salasyndaǵy yntymaqtastyq týraly memorandýmǵa qol qoıyldy.
Aıta keteıik, 2017 jyldyń nátıjesi boıynsha Qazaqstannan Japonııaǵa 886 mln AQSh dollarynyń taýary eksporttaldy. 2018 jyldyń 1 mamyrdaǵy jaǵdaıy boıynsha Qazaqstanda japon tarapynyń qatysýmen 77 zańdy tulǵalar, fılıaldar men ókildikter tirkelgen.
