Astanada «Qazaqstan. ıAdrolyq qarýsyz álemniń sáýleti» atty kitaptyń tanystyrylymy boldy
aýsymnyń 18-i. QazAqparat /Aıdar Ospanalıev/ - Búgin Astanada «Qazaqstan. ıAdrolyq qarýsyz álemniń sáýleti» atty kitaptyń tusaýkeseri ótti.
Atalmysh kitapty «Kazahstanskaıa pravda» basylymynyń ujymy shyǵarǵan.
«Bıylǵy jyldyń sáýir aıynda Vashıngtonda ótken ıadrolyq qarýǵa qarsy kúres sammıti kópshiliktiń jadynda bolar. Bul oqıǵa bizge qatty áser etti desek artyq aıtqandyq emes. Osyǵan qaraı biz ózimizdiń basylymymyzdyń tilshileri men fototilshilerin jáne ózge de ujym qyzmetkerlerin tarta otyryp, osyndaı kitap shyǵardyq», dedi tanystyrylym barysynda «Kazahstanskaıa pravda» basylymynyń Basqarma tóraǵasy Aleksandr Tarakov.
Shyǵarmanyń ádebı redaktory Larısa Kýnsttiń aıtýynsha, ol negizgi 4 bólimnen turady. «Birinshi bólimdi biz jaqynda ǵana Vashıngtonda ótken ıadrolyq qarýmen kúres jahandyq sammıtine arnadyq. Ekinshi bólim el basshylarynyń Semeı polıgonyn jabý men ıadrolyq qarý synaqtaryn toqtatý jónindegi sheshimderine arnaldy. Úshinshi bólimde ıadrolyq synaqtardyń adamzat balasyna keltirgen zardaptary beınelengen. Al tórtinshi bólim Qazaqstannyń atomdy beıbit maqsatta paıdalaný sharalaryna arnalǵan. Biz qoldanǵan materıaldardyń barlyǵy «Kazahstanskaıa pravda» basylymynda sońǵy 20 jylda shyqqan materıaldarǵa negizdelgen», dedi L.Kýnst.
360 betten turatyn kitap ázirshe 2 myń danamen shyǵyp otyr.
