Astanada Qazaqstan tuńǵysh Prezıdentiniń kúni aýqymdy sharalarmen atalyp ótiledi
ASTANA. 19 qazan. QazAqparat - 1 jeltoqsan - Qazaqstan tuńǵysh Prezıdentiniń kúnin atap ótý qarsańynda aǵymdaǵy jyldyń 15 qazanynda Astanada bolashaq kóshbasshylar - elordalyq mektep oqýshylary arasynda baıqaý bastaldy. Ol baıqaý aǵymdaǵy jyldyń 15 qarashasyna deıin jalǵasady, dep habarlady Astana qalasynyń ákimdigi.
Bul baıqaýdyń ótkizilýi jastardyń ıgi bastamalaryn jandandyrýǵa, oqýshylardyń patrıottyq qundylyqtaryn nyǵaıtýǵa septigin tıgizetini sózsiz.
Oǵan qosa, Qazaqstan tuńǵysh Prezıdentiniń kúnin atap ótýge baılanysty aǵymdaǵy jyldyń 15 qazanynan bastap qalalyq mektep oqýshylary arasynda «Astana jáne Prezıdent» taqyrybynda shyǵarmalar baıqaýy ótkizilýde.
Sondaı-aq aldaǵy ýaqytta elordamyzda áleýmettik-mádenı sharalar ótedi. 20 qazannan bastap 20 qarashaǵa deıin qala kitaphanalarynda «1 jeltoqsan - Qazaqstan tuńǵysh Prezıdentiniń kúni» ataýymen kitap kórmesi uıymdastyrylady; 29-30 qarashada Sáken Seıfýllın atyndaǵy murajaıda «Elbasy elimen birge» taqyrynda Respýblıkalyq aqyndar baıqaýy ótedi; qarashada qalanyń barlyq kınoteatrlarynda rejısser R. Ábdirashevtyń «Balalyq shaǵymnyń aspany» atty týyndysy kórsetiledi; «dóńgelek ústel» otyrystary, tarıhı sabaqtar, kontsertter, kórmeler men kezdesýler ótkiziletin bolady.
Al mereke kúni - 1 jeltoqsanda Astana qalasy merekelik sharalarǵa toly bolmaq. E. Jýasbektiń «Tereń tamyrlar» qoıylymynyń kórsetilimi; «Jas daryndar Tuńǵysh Prezıdent kelbetinde» atty baıqaý; «Jarqyn bolashaqqa bastaǵan Ult Kóshbasshysy» atty jas jýrnalıster baıqaýy; «Olımpıadaǵy sportshylar belesteri - Elbasy qamqorlyǵynyń jetistigi!» spartakıadasy; «Elbasy bastaǵan dańqty Qazaqstan!» atty Respýblıkalyq jas aqyndar baıqaýy, astanalyq mektep oqýshylarynyń qurama komandalary arasynda «Prezıdenttik shaqyrym» atty keshendi sporttyq-oıyn saýyq estafetasy men Astana qalasy orkestrleriniń ART-qoıylymdary ótedi dep josparlanýda.
