Astanada Qazaqstan-Tatarstan bıznes forýmy ótti
ASTANA. QazAqparat - Forým jumysyna ІT ındýstrııa, mashına jasaý, avıatsııalyq, hımııalyq jáne basqa da ónerkásip salalaryndaǵy Qazaqstan jáne Tatarstan bıznes ókilderi qatysty, dep habarlaıdy QazAqparat tilshisi.
Forýmda eki el arasyndaǵy eksport múmkindikterin arttyrý men ekonomıkanyń túrli salasyn birigip damytý máseleleri qaraldy.
«Bıznes forýmǵa Tatarstan tarapynan 20-dan astam kompanııa ókilderi qatysty, onyń ishinde belgili «Tatarneft», «RARITEK Holdıng» AQ, «KAMAZ», «Qazan tikushaq zaýyty» jáne t.b. uıymdar bar. Qazaqstan tarapynan «Qazmunaıgaz», «Kazakh Invest» UK, «QazTransOıl» AQ, QR Qorǵanys mınıstrligi sol sııaqty 80-ge jýyq uıym ókilderi qatysýda.
«Tatarstan Reseı Federatsııasynyń ekonomıkasyndaǵy basty kúretamyr bolyp esepteledi. Jaqynda Elbasy N.Nazarbaev Qazan qalasynda saparmen boldy, bul óz kezeginde ózara yntymaqtasty arttyrýdyń dáleli. Eki el arasyndaǵy saýdaǵa kelsek 2017 jyldyń nátıjesinde saýda aınylymy 1,7 esege ósip, 702,9 mln-nan asa AQSh dollaryn qurady, al 2016 jyly 425,3 mln AQSh dollaryn quraǵan bolatyn», - dedi QR Investıtsııalar jáne damý mınıstri Jeńis Qasymbek.
Sonymen qatar, mınıstr Qazaqstan men Tatarstan arasyndaǵy basty júzege asyrylyp jatqan jobalar retinde munaı-hımııa, jeńil jáne qorǵanys ónerkásibi, telekommýnıkatsııa, mashına jasaý salalaryn atap ótti.
Búginde eki el arasynda transport salasynda bir jolǵa qoıylǵanyn aıta ketý kerek, ıaǵnı Astana, Almaty jáne Qazan qalalary arasynda turaqty áýe reısteri qamtylǵan. Budan bólek 2017 jyly Almatydan Qazanǵa temirjol tartyldy.
Forým nátıjesinde osy jyldyń sońyna deıin Qazan qalasynda ekijaqty saýda mıssııasyn uıymdastyrý jáne kelesi jyly Tatarstanda Qazaqstannyń saýda ókilettigin ashý josparlary bekitildi.
