Astanada Qazaqstan – Slovenııa matchynan keıin qosymsha avtobýstar qatynaıdy

ASTANA. QazAqparat – 23 naýryzda Astanada ótetin Qazaqstan – Slovenııa matchynan keıin fýtbol jankúıerleri úshin qosymsha avtobýstar uıymdastyrylady. QazAqparat bul týraly «City Transportation Systems» JShS-ǵa silteme jasap habarlaıdy.

№ 10, 12, 26, 28, 37, 40, 51, 53, 60, 3037 qoǵamdyq kólikteri jankúıerlerdi oıynnan keıin aıaldamalarda kútip turatyn bolady.

Matchtyń bastalý ýaqyty – 21:00.

Jol júrý quny – 90 teńge jáne ony kólik kartasymen nemese QR-kodpen tóleý qajet. Sondaı-aq avtobýspen tegin júrýge quqyly turǵyndar óziniń jeńildigi bar kartasyn paıdalana alady.

Eske salaıyq, fýtboldan 2024 jylǵy Eýropa chempıonatynyń irikteý satysy aıasynda 23 naýryz kúni Qazaqstan men Slovenııa oınaıtynyn jazǵan bolatynbyz. El quramasy qurlyqtyq dodada H tobynda synǵa túsip jatyr. Qarsylastary – Danııa, Slovenııa, Fınlıandııa, Soltústik Irlandııa jáne San-Marıno.

Qazaqstan – Slovenııa kezdesýinde shvetsııalyq Glenn Nıýberg bas tóreshi qyzmetin atqarady. Oǵan otandastary Mahbod Beıdjı men Andreas Sederkvıst kómekshilik jasaıdy. Tórtinshi tóreshi de shvetsııalyq Krıstoffer Karlsson.

Al bas tóreshiniń vıdeokómekshisi jáne vıdeokómekshiniń assısenti qyzmetin Shveıtsarııadan kelgen Fedaıı San men Lıonel Chýdı atqarady.

Matchty sondaı-aq «Qazsport» telearnasynan tikeleı efırde tamashalaýǵa bolady.