Astanada Qazaqstan Respýblıkasynyń Ulttyq mýzeıi ashylady
ASTANA. QazAqparat - Elorda kúni qarsańynda Astanada, 2 shildede elimizdiń mádenı ómirindegi aıtýly oqıǵa - Qazaqstan Respýblıkasynyń ulttyq mýzeıiniń ashylý saltanaty ótedi.
Mýzeıdiń baspasóz baıanynda habarlanǵandaı, «Qazaqstan Respýblıkasynyń Ulttyq mýzeıi» respýblıkalyq memlekettik mekemesi Qazaqstan Respýblıkasy Prezıdentiniń 2013 jylǵy 30 mamyrdaǵy Jarlyǵymen qurylǵan bolatyn.
Bul - Ortalyq Azııada balamasy joq biregeı joba. Kólemi 74 myń sharshy metrden asatyn Ulttyq mýzeıge Qazaqstannyń erte ǵasyrdan búgingi kúnge deıingi arheologııalyq, etnografııalyq jádigerleri men mádenı eskertkishteri jınaqtalǵan. Ulttyq mýzeıdiń quramynda Astana, Táýelsiz Qazaqstan, Altyn, Ejelgi jáne ortaǵasyr tarıhy, Etnografııa, Tarıh, Zamanaýı óner zaldary bar.
Mýzeı halyqaralyq standarttarǵa saı jabdyqtarmen jaraqtandyrylǵan. Ekspozıtsııalar úshin zamanaýı kórme tehnologııalary: biregeı ıilgish ekran, medıa-eden, qazirgi Astananyń ortalyq bóliginiń serpindi maketi, kóptegen medıaekrandar, gologrammalar, dıodty jaryǵy bar LED-tehnıka, sensorly dúńgirshekter, mýltımedıalyq jolserik qoldanylady.
Jeti zalda usynylatyn negizgi ekspozıtsııalardan bólek Ulttyq mýzeı áriptesteriniń de kórmeleri ashylady: «Ortalyq Azııa men Kavkazdaǵy dástúrli toqyma - Uly Jibek jolynyń murasy » (REM, Sankt-Peterbýrg q.); «Orys kórkemsýret óneriniń 4 ǵasyry» («ROSIZO» Máskeý q.); «Ulttyq dástúr jáne álemge ashyqtyq» (Qazaqstan Respýblıkasy Sýretshiler odaǵy); sondaı-aq Qazaqstan Respýblıkasy qolónershileriniń jármeńkesi, «19-20 ǵasyrlar toǵysyndaǵy qazaqtar» muraǵat sýretteriniń kórmesi, Vengrııa sýretshisi Djýdıt Poks pen Reseı sýretshisi ıAna Volkovanyń kıizden jasaǵan jumystarynyń fotokórmesi, QR eńbek sińirgen óner qaıratkeri Sáýle Bapanovanyń «Seıhýn tolqyndary» atty kıizden jasalǵan kıimderi jıyntyǵynyń kórsetilimi (Qazaqstan qolónershileriniń odaǵy).
Іs-sharaǵa qatysýǵa Qazaqstan mýzeıleriniń jáne Reseı, Qytaı, AQSh, Ulybrıtanııa, Ázerbaıjan, Ózbekstan, Qyrǵyzstan, Mońǵolııa syndy shetel mýzeıleriniń basshylary shaqyryldy.
