Astanada «Qazaqstan Respýblıkasynyń memlekettik etnosaıasatyn ǵylymı-analıtıkalyq qamtamasyz etý: mindetteri men keleshegi» taqyrybynda dóńgelek ústel ótedi
«Qazaqstan Respýblıkasynyń memlekettik etnosaıasatyn ǵylymı-analıtıkalyq qamtamasyz etý: mindetteri men keleshegi» taqyrybynda dóńgelek ústel ótedi, dep habarlady QR Memlekettik qyzmet isteri agenttiginiń baspasóz qzmeti.
Otyrys Qazaqstan halqy Assambleıasy Tóraǵasynyń orynbasary - Qazaqstan Respýblıkasy Prezıdenti Ákimshiliginiń Qazaqstan halqy Assambleıasy Hatshylyǵy meńgerýshisi Eraly Toǵjanovtyń jáne Qazaqstan Respýblıkasy Prezıdentiniń janyndaǵy Memlekettik basqarý akademııasynyń rektory Bolatbek Ábdirásilovtyń alǵysózimen bastalady.
Sharada «IADE» Bilim berýdi damytý halyqaralyq qaýymdastyǵynyń prezıdenti (Chehııa) Lara Sheıko- «Qazaqstan halqy Assambleıasymen birlesken Eýropadaǵy bilim berý jobalary týraly», Qazaqstan Respýblıkasynyń Jazýshylar odaǵy múshesi,Lıýbov Shashkova Qazaqstan Respýblıkasy Prezıdenti Muraǵatynyń ǵylymı qujattar basylymdary basqarmasynyń basshysy, tarıh ǵylymdarynyń kandıdaty Elena Grıbanova-«Qazaqstan halqy Assambleıasynyń Qazaqstan Respýblıkasy Prezıdenti Muraǵatymen jáne shyǵarmashylyq zııalylarymen birlesken jobasy týraly»,shet tilin jedel meńgerýdiń psıholıngvıstıkalyq ádistemesiniń avtory, Gınnestiń rekordtar kitabyna engen, álemniń 30 tilin jetik meńgergen, álemge tanymal lıngvıst-aýdarmashy (Reseı) Dmıtrıı Petrov- «Tildi meńgerýdegi jańa tehnologııalar» degen taqyrypta sóz sóıleıdi dep kútilýde.
Dóńgelek ústelge sonymen qatar Qazaqstan halqy Assambleıasy Ǵylymı-sarapshylyq keńesiniń músheleri, óńirlerdiń ǵylymı-sarapshylyq toptarynyń jetekshileri, Qazaqstan Respýblıkasy Prezıdentiniń janyndaǵy Memlekettik basqarý akademııasynyń professorlyq-oqytýshylyq quramy qatysady.
