Astanada «Qazaqstan Respýblıkasynyń ІT-menedjerler qaýymdastyǵy» qoǵamdyq birlestiginiń quryltaı sezi ótedi

ALMATY. 28 shilde. QazAqparat /Ádilet Musahaev/ - Aǵymdaǵy jyldyń 15 qyrkúıeginde Astana qalasynda «Qazaqstan Respýblıkasynyń ІT-menedjerler qaýymdastyǵy» qoǵamdyq birlestiginiń quryltaı sezin ótkizý josparlanyp otyr.

Bul jaıynda búgin «Qazposhta» AQ basqarma tóraǵasynyń orynbasary Asqar Qusaıynov Almatyda ótken jıyn barysynda aıtty.

Qazaqstan Respýblıkasy ІT-menedjerleriniń kásibı qoǵamdyq birlestigin qurýdyń qatysýshysy jáne kýágeri bolý úshin respýblıkanyń barlyq ІT qyzmetkerleri Astanadaǵy Táýelsizdik saraıynda ótetin sezge jınalmaq.

"ІT salasynda qyzmet etip júrgen barlyq qazaqstandyqtardy bizdiń qaýymdastyqtyń múshesi bolýǵa jáne Astanada ótetin sezge qatysýǵa shaqyramyz", - dep atap ótti A.Qusaıynov.