Astanada Qazaqstan neırohırýrgteriniń 2-sezi ótedi
ASTANA. 29 maýsym. QazAqparat - 1 shildede saǵat 10.00-de «Dýman» meımanhanasynyń «Parlament» májilis zalynda Qazaqstan Respýblıkasy neırohırýrgtarynyń 2-shi Sezi óz jumysyn bastaıdy.
Oǵan shetel neırohırýrgteri de atsalysady dep kútilýde. Bul týraly QR Densaýlyq saqtaý mınıstrliginiń Baspasóz-qyzmeti habarlaıdy.
Sezde Qazaqstandaǵy neırohırýrgııalyq qyzmettiń qazirgi jaǵdaıy, belgili sheteldik klınıkalardyń tájirıbelik transfertin Qazaqstan Respýblıkasyna engizý máseleleri talqylanyp, halyqaralyq baılanystardy nyǵaıtý úshin onyń basym baǵyttary anyqtalatyn bolady.
Neırohırýrgııa salasynda respýblıkadaǵy alǵashqy Aqparattyq-resýrstyq ortalyqtyń tusaýkeseri ótedi.
Sezge qatysý úshin Astanaǵa Reseı, Ýkraına, Germanııa, Frantsııa, Shveıtsarııa, Izraıl, Qytaı, Vengrııa, Belgııa, Nıderlandy, Chehııadan jetekshi neırohırýrgtar keledi.
