Astanada Qazaqstan nevrologtarynyń І sezi ótedi
ASTANA. 22 qazan. QazAqparat - Elordada 23-25 qazanda Qazaqstan nevrologtarynyń I sezi ótedi. Bul týraly elordanyń resmı saıty habarlady.
Sez barysynda Qazaqstan, jaqyn jáne alys shetelderdiń jetekshi mamandary moderator retinde qatysyp, baıandamalar jasaıdy. Shara jumysyna balalar men eresek beıininiń nevropatologtary, neırohırýrgter, angıohırýrgter, reabılıtologtar, sáýlelik dıagnostıka dárigerleri, medıtsınalyq joǵary oqý oryndarynyń oqytýshylary, densaýlyq saqtaý uıymdastyrýshylary, jalpy tájirıbe dárigerleri men kásibı qyzmeti júıke júıesi aýrýlaryn zertteýmen, dıagnostıkalaýmen, emdeýmen, ońaltý jáne aldyn alýmen baılanysty basqa da mamandar qatysady. Sezdiń birinshi kúni №1 qalalyq aýrýhanada respýblıkamyzdaǵy nevrologııalyq qyzmetti uıymdastyrý jónindegi máseleler boıynsha sheberlik synyptary men májilis ótedi. Keıingi kúnderi sez Astana Hotel qonaq úıinde jalǵasady.
Aıta keteıik, atalmysh shara qazaqstandyq jáne shet elderdiń nevrologııa salasyndaǵy mamandar men qonaqtar osy sala baǵytyndaǵy aýrýlardy zamanaýı dıagnostıkalaý men emdeýdegi ozyq tájirıbelermen almasatyn pikir almasý alańyna aınalmaq.
