Astanada Qazaqstan musylmandary dinı basqarmasy ǵımaraty salynady

ASTANA. QazAqparat - 2015 jyly elordamyzda Qazaqstan musylmandary dinı basqarmasy ǵımaratynyń qurylysy bastalady. Bul týraly QR Mádenıet jáne sport mınıstrliginiń keńeıtilgen alqa otyrysynda Din isteri komıtetiniń tóraǵasy Ǵalym Shoıkın málim etti.

Jýyrda ǵana qaıta jasaqtalǵan Mádenıet jáne sport mınıstrliginiń basshysy Arystanbek Muhamedıuly Almatydaǵy Qazaqstan musylmandary dinı basqarmasy endi elorda tórinen qonys tebetindigin aıtty.

«Iá, Almaty jyly aımaq, qolaıly tabıǵat aıasynda. Degenmen, dinı basqarmany el ortalyǵyna kóshirýimiz kerek», - dedi mınıstr.

Al Din isteri komıtetiniń tóraǵasy Ǵalym Shoıkın QMDB-nyń elimizdegi ózge dinı birlestiktermen qarym-qatynas jasaýda tıimdi baǵyt ustanyp, jemisti eńbek etip kele jatqanyn atap ótti, dep habarlaıdy «Nur Astana» ortalyq meshitinen.

«Dinı basqarmany Astanaǵa kóshirý máselesi sheshilýi tıis. Qazirgi ýaqytta qajetti qujattar resimdelýde. Al kelesi jyldyń basynan QMDB ǵımaraty salynady dep josparlap otyrmyz», - dedi Ǵ.Shoıkın.