Astanada Qazaqstan men Pákistan arasyndaǵy saýda-logıstıkalyq múmkindikterdiń damýy talqylandy
ASTANA. QazAqparat - 2023 jylǵy 18 tamyzda Astanada QR Premer-Mınıstriniń orynbasary – caýda jáne ıntegratsııa mınıstri S. Jumanǵarın Pákistannyń «TCS Logistics Private Limited» iri logıstıkalyq kompanııasynyń negizin qalaýshy jáne tóraǵasy Halıd Navaz Avanmen kezdesti.
Taraptar Qazaqstan men Pákistan arasyndaǵy saýda-logıstıkalyq múmkindikterdi damytý máselelerin talqylady, dep habarlaıdy QazAqparat Úkimttiń resmı saıtyna silteme jasap.
QR Premer-Mınıstriniń orynbasary Qazaqstannyń ońtústik porttarǵa qaraı saýda-ekonomıkalyq baǵyttaryn ártaraptandyrý boıynsha júrgizip jatqan jumystary týraly aıtyp berdi. Pákistanǵa/Pákistan arqyly eksporttyq/ımporttyq ónimdi tasymaldaý máseleleri ózekti jáne búgingi tańda joǵary basymdyqqa ıe ekenin atap ótti.
Óz kezeginde H. Avan ózi basqaratyn kompanııanyń qyzmeti týraly sóz qozǵady, onyń kólik-logıstıka ındýstrııasyndaǵy ozyq tájirıbesimen bólisip, Qazaqstanmen áriptestik ornatýǵa múddeli ekenin bildirdi.
Kezdesý qorytyndysy boıynsha taraptar tabysty ekijaqty yntymaqtastyqqa úmit bildirdi.
