Astanada Qazaqstan men OAR-dyń balǵyn sýretshileri Nobel syılyǵynyń laýreaty Nelson Mandela týraly kórmeni usyndy
ASTANA. 18 maýsym. QazAqparat - Astanada «Qulanshy» óner ortalyǵynda Nobeldik beıbitshilik syılyǵynyń laýreaty Nelson Mandelanyń halyqaralyq kúnine oraı Qazaqstan men Ońtústik Afrıka respýblıkasy jas sýretshileriniń kórmesi ashyldy.
Ekspozıtsııada beıbitshilik pen adam quqyqtaryn tý etken ońtústikafrıkalyq saıasatkerdiń qurmetine arnalǵan 70 jumys qoıyldy. Kúresker Mandela óz ǵumyrynyń 67 jylyn beıbitshilik pen adamgershilik isine arnaǵan. Ol OAR-dyń demokratııalyq jolmen saılanǵan alǵashqy prezıdenti, halyqaralyq deńgeıdegi bitimger, adam quqyqtarynyń qorǵaýshysy, halqynyń qamqorshysy retinde dúnıejúzine tanymal. 27 jyl túrmege toǵytylǵan Mandela, bostandyqqa qol jetkizgennen soń el basqarýynda halyqtyń muń-muqtajyn óz moınyna alyp, memlekettiń yrysyn keńeıtti. 2009 jyly Birikken Ulttar Uıymynyń Assambleıasy onyń beıbitshilik pen bostandyq isine qosqan úlesi úshin 18 shildeni Halyqaralyq N. Mandela kúni dep belgiledi. Sebebi 1918 jyly dál osy kúni uly kúreskerdiń ózi dúnıege kelgen bolatyn.
«Qulanshy» ortalyǵynyń dırektory Leıla Mahattyń aıtýynsha, osy kúni qaıyrymdylyqpen aınalysyp, júdeý tartqan nemese kómekke zárý jaqynyńa qamqorlyq jasaý, Jerde beıbitshiliktiń gúldenýine 67 mınýt arnaý dástúri qalyptasqan.
«Qazirgi zaman óneri ortalyǵy retinde biz atap ótpek bolǵan 67 mınýt birneshe saǵatqa sozylyp ketti. Biz balalarmen birge Nelson Mandela men Ońtústik Afrıka eline arnalǵan sýretter salyp, osynaý kórmeni uıymdastyrdyq. Ol birneshe saǵattarǵa ulasty», - deıdi L. Mahat.
Onyń aıtýynsha, kórmede usynylǵan týyndylar ıÝNESKO kórkemsýret mektebi, «Hellı Berı» óner mektebi men OAR balalarynyń qylqalamynan shyqqan.
«Ońtústik Afrıka respýblıkasynyń jetkinshekteri óz sýretterinde Qazaqstan týraly kózqarastaryn berýge tyrysty. Al bizdiń qazaqstandyq balalar sáıkesinshe qara qurlyq jaıynda óz oılaryn órnektedi», - dep atap kórsetti ol.
Kórkemsýret kórmesiniń tusaýyn N. Mandelanyń serigi, OAR-dyń saıası qaıratkeri Ahmed Katrada ashty. Ol kezinde Mandelamen birge 26 jyl boıy túrmede otyrdy. Tar qapasta ýaqytyn qur jibermeı, 4 joǵary bilim aldy. Keıin onyń saıası keńesshisi boldy. Ol Mandelaǵa taǵylǵan aıyp boıynsha ómir boıy bas bostandyǵynan aıyrý jazasyna kesilgen bolatyn. 1989 jyly A. Katrada eldegi jańa basshylyq - Afrıkanyń ulttyq kongresiniń múshesi boldy jáne OAR kommýnıstik partııasynda qyzmet atqardy. 1994 jyly alǵashqy demokratııalyq saılaýda parlament depýtattyǵyna saılandy jáne N. Mandelanyń saıası keńesshisi bolyp taǵaıyndaldy. 1991 jyly parlamenttik qyzmetin aıaqtady.
