Astanada Qazaqstan men Mońǵolııanyń 100-ge jýyq kásipkeri bas qosty

ASTANA. KAZINFORM — Ekinshi ret ótip jatqan iskerlik keńeste qos eldiń saýda-ekonomıkalyq yntymaqtastyǵyn arttyrý joldary talqylandy. Bul týraly Jibek Joly telearnasynyń jańalyqtar qyzmetinde aıtyldy.

Астанада Қазақстан мен Моңғолияның 100-ге жуық кәсіпкері бас қосты
Фото: Jibek Joly

Sońǵy jyldary ózara taýar aınalymynda turaqty ósim bar. Byltyr 123 mıllıon dollarǵa saýda -sattyq jasasqan. Bıylǵy jeti aıda-aq bul kórsetkish 74 mıllıon dollarǵa jetken. Mońǵolııa bizden astyq, un, maıly daqyldar men mashına qurylǵylaryn alsa, biz olardan et, kashemır jáne jeńil ónerkásip taýarlaryn ımporttaımyz.

Jaýaptylardyń sózinshe, metallýrgııa, agroónerkásip, týrızm men logıstıka salalarynda jańa múmkindikter mol. 

Eske sala keteıik, búgin Memleket basshysy Mońǵolııanyń Uly Memlekettik Hýralynyń Tóraǵasymen kezdesti. Qasym-Jomart Toqaev mártebeli meımanǵa iltıpat tanytyp, onyń elimizge Parlament Tóraǵasy retindegi alǵashqy sapary ekijaqty baılanysty nyǵaıtýǵa tyń serpin beretinin atap ótti. 

Сейчас читают