Astanada Qazaqstan men Lıtva jedel járdem brıgadalarynyń jarysy ótedi
ASTANA. QazAqparat - Astanada 5-7 qyrkúıek aralyǵynda Qazaqstannyń barlyq óńirleriniń jáne lıtvalyq komandalardyń qatysýymen jedel medıtsınalyq járdem brıgadalarynyń III respýblıkalyq jarysy ótedi, dep habarlaıdy elorda ákimdiginiń resmı saıty.
Іs-sharany ótkizýdiń maqsaty - ulttyq jáne halyqaralyq standarttardy eskere otyryp, halyqqa shuǵyl medıtsınalyq kómek kórsetý daǵdylaryn jetildirý.
Jarys barysynda qatysýshylar anafılaktıkalyq shok, náresteni reanımatsııalaý, polıtravma kezinde sıtýatsııalyq tapsyrmalardy oryndaıdy «Oqıǵa» ornynda manekender jáne standarttalǵan patsıentter paıdalanylady.
Munymen qosa, jarys sheńberinde otandyq óndirýshilerdiń medıtsınalyq tehnıkasynyń, dárilik zattarynyń kórmesi uıymdastyrylady dep josparlanýda.
