Astanada Qazaqstan men Qytaıdyń eń úzdik kıkboksshylary jekpe-jekke shyǵady

"Qazaqstanda kıkboksıng - tanymal sport túri. Kıkboksıngpen 4 myńnan asa adam men 115 bapker aınalysady. Qazaqstan men Qytaı komandalarynyń ózara kezdesýi eki eldiń sport salasyndaǵy ózara tyǵyz qarym-qatynastardy bekite túsedi", - deıdi QR Sport jáne dene shynyqtyrý isteri agenttigi tóraǵasynyń orynbasary Sársen Quranbek.

Onyń aıtýynsha, doda barysynda jankúıerler keremet shoýǵa kýá bolady. Osy sporttyq shara aıasynda elordaǵa arnaıy shaolın mektebiniń sheberi Lıý Lıýn kelgen. Beınetaspaǵa jazylǵan jekpe-jekter keıin «KazSport» pen «Henan TV» telearnalarynda kórsetilmek. El namysyn álemdik týrnırlerdiń júldegerleri Ersaıyn Qasambaev, Babyr Artyqbaev, Shyńǵyshan Tilemisov, Qanaǵat Nurǵalıev, Artýr Saýrbaev, Mergen Bilálov pen Ashat Jantursynov qorǵaıtyn bolady. Qytaı komandasy da kileń myqtylardy alyp kelip otyr. Olardyń qatarynda halyqaralyq jarystardyń birneshe dúrkin jeńimpazdary da bar. Aıta keteıik, atalmysh joldastyq kezdesýdi QR Sport jáne dene shynyqtyrý isteri agenttigi men "Astana EKSPO-2017" ulttyq kompanııasy" AQ uıymdastyrdy.

Saıys saǵat 19:00 bastalady, kirý tegin.