Astanada Qazaqstan men Qyrǵyz Respýblıkasynyń energetıka júıesin turaqty qamtamasyz etý máselesi talqylandy
ASTANA. QazAqparat - Úkimet úıinde QR Premer-Mınıstriniń birinshi orynbasary Baqytjan Saǵyntaev Qyrǵyz Respýblıkasynyń Vıtse-premer-mınıstri Oleg Pankratov bastaǵan delegatsııasymen kelissózder júrgizdi, dep habarlady Pm.kz.
Kezdesý barysynda ekijaqty qarym-qatynastyń, Eýrazııalyq ekonomıkalyq odaq aıasyndaǵy baılanystyń túrli máseleleri qaraldy.
Taraptar saýda-ekonomıkalyq seriktestik aspektilerin, eki eldiń energetıka júıesiniń turaqty jumysyn qamtamasyz etý máselelerin talqylady.
Kólik-jol salasyna qatysty taraptar avtokólik jáne temirjol baılanysyn damytýǵa kúsh salýǵa ýaǵdalasty.
Odan bólek B. Saǵyntaev pen O. Pankratov fıtosanıtarlyq talaptardy saqtaı otyryp ózara tasymaldanatyn aýyl sharýashylyq ónimderiniń kólemin arttyrý múmkindikterin, sý jetkizý, kóshi-qon, aýyl sharýashylyǵy men qorshaǵan ortany qorǵaý salasyndaǵy seriktestik máselelerin qarastyrdy.
Kelissózder barysynda taraptar taýarlar men qyzmetter, kólik-jol, energetıka, týrızm syndy salalarda eki eldiń ózara baılanysyn nyǵaıtýǵa nıetti ekendikterin bildirdi.
