Astanada Qazaqstan metsenattarynyń birinshi forýmy ótti (FOTO)

ASTANA. QazAqparat - Búgin Astanadaǵy Beıbitshilik jáne kelisim saraıynda Qazaqstan halqy Assambleıasynyń qamqorlyǵy aıasynda Qaıyrymdylyq uıymdarynyń, metsenatar men donorlardyń І respýblıkalyq sezi ótti.

«Bıyl bizdiń Assambleıa birqatar jalpyulttyq, qaıyrymdylyq aktsııalaryn ótkizip, ony elimizdiń árbir turǵynyna jetkizdi. Assambleıa jylyndaǵy «QHA - 20 ıgi is!» basty áleýmettik aktsııasy aıasynda 90 myń adamǵa 5 mlrd. 623 mln. teńge kóleminde kómek kórsetildi. Oǵan qatysqan adamdardyń sany 2 mıllıonnan asty. Osy oraıda bul aktsııaǵa qatysqandarǵa alǵysymdy aıtqym keledi», - dedi QR Memlekettik hatshysy Gúlshara Ábdiqalyqova.

Memlekettik hatshy sonymen qatar búginde qoǵam «Qaıyrymdylyq týraly» Zańyn júzege asyrýǵa qoldaý jasaýy kerektigin, uıymdastyrylyp otyrǵan sezd osy másele boıynsha áleýmettik keń dıalogqa bastaý bolyp otyrǵanyn atap ótti.

Sezd barysynda qaıyrymdylyq salasyndaǵy QHA baıqaýlary men jobalarynyń qorytyndysy jasaldy.

Sezdiń maqsaty - elde qaıyrymdylyqtyń damýyna jańa ekpin berý, qaıyrymdylyqpen aınalysatyn barlyq uıymdar men azamattardyń birlesýine járdemdesý.

Sharaǵa 1 200-den astam adam qatysty. Olardyń ishinde qaıyrymdylyqpen aınalysatyn adamdar, metsenattar, QHA músheleri, úkimettik emes uıymdardyń, etnomádenı, dinı birlestikterdiń, qorlardyń, memlekettik organdardyń, ulttyq kompanııalardyń ókilderi, shetel memleketteriniń dıplomatııalyq mıssııalary, sondaı-aq ǵylymı jáne shyǵarmashyl zııaly qaýym, jastar, óńirlerden kelgen delegatsııalar jáne BAQ ókilderi bar.