Astanada Qazaqstan kúres federatsııasynyń otyrysy ótti
ASTANA. QazAQparat - Astanada Qazaqstan kúres federatsııasynyń kezekti otyrysy ótti, dep habarlaıdy QazAqparat tilshisi.
Sharaǵa federatsııanyń vıtse prezıdenti Danııar Abýlgazın, grek-rım kúresi boıynsha vıtse prezıdent Dáýlet Turlyhanov, halyqaralyq qatynastar jáne qoǵammen baılanys jónindegi vıtse prezıdent Sáken Musaıbekov jáne tóreshiler korpýsy men bapkerler keńesi jónindegi vıtse prezıdent Erlan Qojasbaı qatysty.
Jıynda grek-rım, erkin jáne áıelder kúresinen ulttyq qurama bapkerleriniń esebi tyńdaldy. Jattyqtyrýshylar Parıjde ótken álem chempıonatyndaǵy nátıjesi boıynsha esep berdi.
Otyrysta bapkerlerge kúresti damytý, jattyqtyrýshylar jumysynyń sapasyn kóterý mindeti júkteldi.
Sondaı-aq, otyrysta eldegi qala, aýdandarda kúres zalyn ashyp, olardy kilemmen qamtasyz etý týraly sheshim qabyldandy. Al tóreshiler jumysyn jaqsartý úshin olarǵa trenıng, semınarlar ótkizý týraly aıtyldy.
Kúresten Qazaqstan quramasy aldaǵy ýaqytta túrli halyqaralyq jarystarǵa qatysady. Sonyń biri - 17 qyrkúıekte Ashhabadta bastalatyn jabyq alańdaǵy Azııa oıyndary. Al keler jylǵy basty doda Indonezııada ótetin Azııa oıyndary bolmaq.
