Qazaqstan kýbogy U12 pleı-off kezeńiniń qatysýshylary anyqtaldy
ASTANA.KAZINFORM - Astanada 12 jasqa deıingi tennısshiler arasyndaǵy komandalyq Qazaqstan kýbogy jalǵasyp jatyr.
Bıyl onynshy ret uıymdastyrylyp otyrǵan mereıtoılyq jarys Beeline Arena Ulttyq tennıs ortalyǵynyń ashyq hard korttarynda ótip jatyr jáne 22 tamyzda aıaqtalady. Týrnırge elimizdiń 16 óńiriniń quramalary qatysyp jatyr. Ár komandanyń quramynda úsh ul, úsh qyz jáne eki kapıtan bar.
Toptyq kezeńniń qorytyndysy boıynsha júldeli oryndar úshin kúresti jalǵastyratyn komandalar anyqtaldy. Uldar arasynda Astana-1, Aqtóbe oblysy, Qaraǵandy oblysy jáne Almaty-1 óz toptarynda birinshi oryn aldy. Sondaı-aq 1–8-oryndar úshin ótetin pleı-off kezeńine Aqmola oblysy, Qyzylorda oblysy, Astana-2 jáne Almaty-2 komandalary joldama aldy.
Qyzdar arasynda Astana-1, Almaty-1, Qaraǵandy oblysy jáne Astana-2 óz toptarynda kósh bastady. Olarmen birge úzdik segizdik úshin kúresti Qostanaı, Jambyl, Aqtóbe jáne Atyraý oblystarynyń quramalary jalǵastyrady.
Tennıs federatsııasy málimetinshe, 20 tamyzda týrnırde pleı-off matchtary ótedi. Uldar arasynda Astana-1 — Aqmola oblysy, Aqtóbe oblysy — Astana-2, Qyzylorda oblysy — Almaty-1 jáne Qaraǵandy oblysy — Almaty-2 kezdesýleri josparlanǵan.
Qyzdar arasynda Astana-1 — Almaty-2, Atyraý oblysy — Almaty-1, Aqtóbe oblysy — Astana-2 jáne Qaraǵandy oblysy — Jambyl oblysy komandalary ózara synǵa túsedi.
Sonymen qatar qalǵan quramalar 9–16-oryndar úshin básekeni jalǵastyrady. Qazaqstan kýbogy U12 týrnıriniń sheshýshi matchtary 22 tamyzda ótedi.
Astanalyq segiz jastaǵy gımnast Qytaıdaǵy týrnırde úsh medal jeńip alǵanyn jazǵan edik.
