Astanada Qazaqstan qolóner sheberleriniń «Sheber-2011» respýblıkalyq baıqaýynyń jeńimpazdary marapattalady

Baıqaýdy «Shevron» kompanııasy men Ortalyq Azııadaǵy Eýrazııa qorynyń bastamasymen «Qazaqstanda qolóner jáne kórkemóner kásipshiligin damytý» baǵdarlamasy sheńberinde «Our Neritage» qoǵamdyq qory uıymdastyrdy.

Marapattaý rásimi barysynda «Shevron» kompanııasy baǵdarlamanyń nátıjesi boıynsha jasalǵan «Kóne dástúrlerdiń jańa ǵumyry» atty sýretti albomnyń tanystyrylymyn ótkizedi. Jobany QR Mádenıet mınıstrligi men ıÝNESKO qoldady.

«Sheber» baıqaýy Qazaqstanda qolóner ónerkásibin qoldaý jáne damytý maqsatynda osymen úshinshi jyl qatarynan ótkizilip keledi.

Sondaı-aq, is-shara barysynda malaızııalyq modeler Edrık Onganyń etnıkalyq úlgidegi kıimder toptamasy jáne «Serebro Vostoka» atty toptamasynyń kórsetilimi bolady. Osy kúni QR Tuńǵysh Prezıdentiniń Mádenıet ortalyǵynda Qazaqstan Respýblıkasynyń túkpir-túkpirinen keletin qolóner sheberleriniń týyndylary qoıylǵan kórme-jármeńke ashylady.