Astanada Qazaqstan-Qytaı halyqaralyq zań mekemesi jumysyn bastady
ASTANA. KAZINFORM - 29 qarashada Astanada Qazaqstan-Qytaı halyqaralyq ekonomıkalyq damý ortalyǵy janynan qurylǵan «Tsıanchjýn» halyqaralyq zań mekemesi resmı ashylý rásimi ótti.
Іs-sharaǵa Qazaqstan-Qytaı halyqaralyq ekonomıkalyq damý ortalyǵynyń qazaqstandyq taraptan teń tóraǵasy Jambyl Ahmetbekov, «Tsıanchjýn» halyqaralyq zań mekemesiniń tóraǵasy Sýn Tszıanchjýn, sondaı-aq Parlament Májilisi men Astana máslıhatynyń depýtattary, qytaılyq kompanııa basshylary qatysty.
Jambyl Ahmetbekov óz sózinde qytaılyq zań mekemesiniń ashylýy eki el arasyndaǵy quqyqtyq jáne ekonomıkalyq yntymaqtastyqty tereńdetýge sep bolatynyn atap ótti.
Saltanatty shara aıasynda halyqaralyq zań mekemesiniń ataýy jazylǵan taqtaıshanyń ashylý rásimi ótti.
Osyǵan deıin habarlaǵanymyzdaı, Qorǵas týraly Qytaımen úkimetaralyq kelisimge ózgeris enedi.