Astanada Qazaqstan halqy tilderiniń festıvali ótedi

ASTANA. QazAqparat - 22 qyrkúıek kúni saǵat 16.00-de Astanadaǵy Kongress-Holl saraıynda XVІII Qazaqstan halqy tilderiniń qalalyq festıvali ótedi, dep habarlaıdy astana.gov.kz.

Bıyl festıval Qazaqstan Respýblıkasy Táýelsizdiginiń 25 jyldyǵyna arnalady.

Sharaǵa QR Parlamenti Májilisiniń depýtattary, zııaly qaýym ókilderi, ardagerler men kópbalaly analar jáne t.b. qatysady. Sonymen qatar, keshte Q. Qýanyshbaev atyndaǵy memlekettik akademııalyq qazaq mýzykalyq drama teatrynyń ártisteri men estrada juldyzdary óner kórsetedi.

Eske salaıyq, Elbasynyń 1998 jyldyń 20 qańtaryndaǵy № 3827 Jarlyǵyna sáıkes, qyrkúıek aıynyń úshinshi jeksenbisinde Qazaqstan halqynyń tilderi kúni merekelenedi.