Astanada Qazaqstan halqy tilderi festıvaliniń saltanatty jabylýy ótedi
Eske salaıyq, festıval 28 tamyzda bastaldy. Birneshe apta boıy Til festıvali aıasynda túrli sharalar uıymdastyryldy. №4 mektep bazasynda «Til - halyq janyn tanýdyń kilti» atty qalalyq baıqaý, L.N.Gýmılev atyndaǵy Eýrazııa ulttyq ýnıversıtetinde qazaq tilin oqytýdyń jańa tehnologııalaryna arnalǵan ınnovatsııalar kúni atap ótildi.
Budan basqa, qalada Qazaqstan halqy tilderi kúnine arnalǵan baıqaýlar, kezdesýler, keshter men olımpıadalar ótkizildi. Mereke aıasyndaǵy is-sharalar jalǵasýda. Búgin elordada «Úzdik áleýmettik jarnama» baıqaýy, al erteń, 19 qyrkúıekte memlekettik qyzmetshiler arasynda «Memlekettik til - memlekettik qyzmette» qalalyq shyǵarmashylyq saıysy uıymdastyrylady.
20 qyrkúıekte K. Baıseıitova atyndaǵy ulttyq opera jáne balet teatrynda Qazaqstan halqy tilderi festıvaliniń saltanatty jabylýynda barlyq baıqaýlar men kontserttik baǵdarlamalardaǵy úzdik nómirler oryndalady. Sondaı-aq, otandyq estrada juldyzdary óner kórsetedi.
