Astanada Qazaqstan halqy dostyǵynyń XV qalalyq festıvali ótedi
Bul týraly elorda ákimdiginiń resmı saıtynda habarlady. Sharaǵa elimizdegi 19 etnomádenı birlestik qatysady, dep kútilýde. Atap aıtqanda, 25 sáýirde teatr sahnasyna «Vaınah» sheshen-ıngýsh etnomádenı birlestigi, «Noǵaı mádenı ortalyǵy» QB, Qazaqstan uıǵyrlary RMO fılıaly, «Hazar» Ázerbaıjan QB, «Barbang» QR kúrdter qaýymdastyǵy» RQB fılıaly, «Qyrǵyzstan-Astana» QB, «Astana qalasynyń Ózbek EMO» QB, «Belarýs» QB, «Tań» tatar-bashqurt mádenı ortalyǵy, «Alef» evreılerdiń mádenı-aǵartý qoǵamdyq-saıası qoǵamy, «Zlata» bolgar mádenı ortalyǵy» QB shyǵady. Al 26 sáýir kúni «Vatra» ýkraın qoǵamy, «Polıaktar» QB, «Radıma» Belarýs mádenı ortalyǵy, «Van» armıan qoǵamy, «Obereg» ýkraın qoǵamy, «Vozrojdenıe» nemis qoǵamy, Koreıa mádenıet ortalyǵy, Dala kazaktary odaǵynyń Almaty aýdandyq fılıaly óner kórsetedi. Dostyq festıvali merekelik kontsertpen aıaqtalady. Eske salaıyq, festıval M.Gorkıı atyndaǵy orys akademııalyq teatrynda ótedi. Kirý tegin.
