Astanada Qazaqstan halqy Assambleıasynyń memlekettik etnosaıasatty júzege asyrýdaǵy róline arnalǵan saltanatty jıyn ótedi
Sharaǵa Qazaqstan halqy Assambleıasynyń jáne onyń Keńesiniń músheleri, Parlament depýtattary, qoǵam qaıratkerleri, ǵylymı qaýymdastyq, jýrnalıster men QHA-nyń basqa da qurylymdary, etnomádenı birlestikter, Assambleıamen tyǵyz baılanysta jumys isteıtin ortalyq atqarýshy organdardyń basshylary men ókilderi qatysady.
Saltanatty jıyn qatysýshylary Assambleıanyń 18 jyl ishindegi jumysynyń nátıjelerin qorytyndylap, memlekettik etnosaıasatty iske asyrýdyń quraly retinde etnosaralyq qatynastardy úılestirýdegi, qoǵamnyń áleýmettik-ekonomıkalyq damýyndaǵy QHA-nyń rólin atap kórsetedi, QHA-nyń parlamentte ókildik etý tájirıbesin, Ǵylymı-sarapshylyq keńesiniń, Jýrnalıster klýbynyń jáne Assambleıanyń qurylymyn nyǵaıtýǵa baǵyttalǵan QHA-nyń basqa da qurylymdarynyń qyzmetin talqylaıdy.
Shara barysynda QHA-nyń ǵylymdary daıyndaǵan «Qazaqstan Respýblıkasy Memlekettik etnosaıasat ımperatıvteri» memlekettik organdarǵa arnalǵan taldaý materıaldar men ádistemelik usynymdar jınaǵynyń tanystyrylymy ótedi.
