Astanada Qazaqstan halqy Assambleıasynyń HHІ sessııasy ótedi
Sessııa «Qazaqstan - 2050» strategııasy: beıbitshilik, rýhanııat jáne kelisim mádenıeti» taqyrybynyń aıasynda ótedi, dep habarlaıdy Qazaqstan halqy Assambleıasynyń baspasóz qyzmetinen. Buǵan deıin habarlaǵandaı, Memleket basshysy N. Nazarbaevqa QHA Tóraǵasynyń orynbasary - Hatshylyq meńgerýshisi Eraly Toǵjanov Qazaqstan halqy Assambleıasynyń XXI sessııasyna daıyndyq máselelerin talqylaǵan bolatyn.
E.Toǵjanov sessııa jumysyna elimizdiń barlyq óńirinen 406 delegat, sonyń ishinde Assambleıa músheleri, respýblıkalyq jáne óńirlik etnomádenı birlestikterdiń tóraǵalary qatysatynyn baıandady. Sondaı-aq Parlament depýtattary, memlekettik organdar, saıası partııalar, dinı birlestikter, úkimettik emes uıymdar basshylary, shet memleketter dıplomatııalyq mıssııalary, ǵylymı jáne shyǵarmashylyq ıntellıgentsııa, buqaralyq aqparat quraldary ókilderi qatysady.
QHA-nyń resmı saıtynda habarlaǵandaı, sessııa baǵdarlamasy aıasynda aımaqtyq delegat-qatysýshylar úshin bekitilgen ortalyq memlekettik organdar basshylarymen, Assambleıadan saılanǵan QR Parlamenti Májilisi depýtattarymen kezdesýler, Astana qalasynyń kórikti jerlerine ekskýrsııalar uıymdastyrylady.
Aıta keteıik, Qazaqstan halqy Assambleıasy 1995 jylǵy 1 naýryzda Qazaqstan Respýblıkasy Prezıdentiniń qaýlysymen qurylǵan. 820-dan astam etnomádenı birlestikterdi ıntegraldaı otyryp, ol azamattyq qoǵam men memleket múmkindikterin úılestirýshi qoǵamdyq kelisim qaınar býyny boldy. Álemde teńdesi joq bul azamattyq qoǵam ámbebap ınstıtýty naǵyz halyqtyq dıplomatııa organyna aınaldy. Óz qyzmet jyldary barysynda Assambleıa ortalyq jáne jergilikti atqarýshy bılik organdarynyń etnıkaaralyq damý suraqtary boıynsha jumystary úılestirýshisine aınaldy. Bul jumys aqparattyq, bilim, quqyqtyq, sonymen qatar etnıkaaralyq kelisimdi qamtamasyz etýshi halyqaralyq aspektilerdi qamtıdy.
