Astanada Qazaqstan halqy Assambleıasynyń 20 jyldyǵyna oraı «Til - ult jáne memleket negizi» atty dóńgelek ústel ótedi
Dóńgelek ústeldiń basty maqsaty - memlekettik tildiń ult jáne memleket úshin mańyzdylyǵyn, negiz ekenin kórsetý. Ana til uǵymyn qalyptastyra otyryp, qazaq halqy ana tiliniń qoǵamdaǵy basymdylyǵyn, rýhanı uıystyrýshy, ultaralyq birlikti nyǵaıtýshy faktor retindegi aıqyn rólin túsindirý, sonymen qatar Qazaqstandaǵy etnostardyń ana tilderiniń damýy men saqtalýy jóninde pikir almasý. Otyrys barysynda «Máńgilik el» jalpyulttyq ıdeıasynyń ult rýhanııaty jáne el birligi turǵysyndaǵy qundylyqtary, el tutastyǵy men birligin, tatýlyǵy men tynyshtyǵyn kúsheıtýdegi memlekettik tildiń mártebesi men orny tóńireginde oı qozǵalmaq. Atalǵan is-sharaǵa QR Parlamenti Májilisiniń depýtattary Aldan Smaıyl, Kamal Burhanov, Rozaqul Halmuradov, Orazkúl Asanǵazy, Zýhra Saıapova, Ásıma Bımendına, Baqytbek Smaǵul, zııaly qaýym ókilderi Jambyl Artyqbaev, Ómirzaq Ozǵanbaev, Sultan Orazaly, Muhambedııa Ahmetov, Ǵarıfolla Esim, Qazaqstan halqy Assambleıasy, ortalyq jáne jergilikti atqarýshy organ, úkimettik emes uıym jáne jastar qozǵalystary, oqý oryndarynyń ókilderi, etno-mádenı birlestikter men jeksenbilik mektep jetekshileri, blogerler, BAQ ókilderi jáne t.b. shaqyryldy.
