Elordada Qazaqstan halqynyń birligi kúni qalaı atalyp ótedi

ASTANA. KAZINFORM — Qazaqstan halqynyń birligi kúnine oraı elordada arnaıy aktsııa ótip, onda jurtshylyqqa baýyrsaq taratylady, dep habarlaıdy Astana ákimdiginiń resmı saıty.

1 mamyr – Qazaqstan halqynyń birligi kúni. Aıtýly merekeniń qurmetine elordada zııatkerlik vıktorınalar men kórmelerden bastap túrli kontsertter men jarystarǵa deıin ondaǵan mádenı-sporttyq is-shara ótkizý josparlanyp otyr.

29 sáýirde elordalyq Qazaqstan halqy assambleıasy músheleriniń qatysýymen qalada «Ózge tildiń bárin bil, óz tilińdi qurmette» atty zııatkerlik vıktorına uıymdastyrylady. Osy kúni M.Ótemisuly atyndaǵy Oqýshylar saraıynda mektep oqýshylary arasynda «Shattyq» baıqaýynyń gala-kontserti ótedi. Munda Qazaqstan halqynyń birligi kúnine oraı «Birligimiz jarasqan» retro-ánderiniń kontserti ótedi.

S.Seıfýllın atyndaǵy Qazaq agrotehnıkalyq ýnıversıtetinde stýdentter arasynda túrli etnostardyń qatysýymen «Bı óneri – ulttyq mura» atty ulttyq bı baıqaýy ótedi.

30 sáýirde Esil University-de stýdentterdiń qatysýymen «Biz – bir ultpyz» atty dóńgelek ústel, sondaı-aq «Birligimiz jarasqan» festıvali ótedi. Sol kúni merekege oraı Tehnıkalyq shyǵarmashylyq ortalyǵynyń tárbıelenýshileri arasynda «Tatýlyq mekeni» atty jalpyqalalyq sýret baıqaýy uıymdastyrylady.

№3 balalar mýzykalyq mektebinde oqýshylardyń «Meniń elim – Qazaqstan» merekelik kontserti, al №1 óner mektebinde asfalttaǵy sýretter baıqaýy ótedi.

Máshhúr Júsip atyndaǵy №57 orta mektep qabyrǵasynda dzıýdodan 2013-2014 jyldary týǵan jasóspirimder arasynda qalalyq komandalyq birinshilik ótedi.

№2 Balalar mýzykalyq mektebiniń tárbıelenýshileri merekege oraı «Bir aspan astynda» kontsertin daıyndap otyr.

№2 óner mektebinde 30 sáýirden 5 mamyrǵa deıin «Bir shańyraq astynda» oqýshylar jumysynyń kórmesi ashylady. Sondaı-aq, tárbıelenýshiler «Birligimiz jarasqan» kontsertine shaqyrady.

Osy kúni «Sharapat» áleýmettik qyzmet kórsetý ortalyǵynda «Bar bereke – birlikte» merekelik kontsertin uıymdastyrady.

30 sáýirde qala boıynsha elordalyq QHA músheleriniń qatysýymen «Dostyq kerýeni» sherýi, ary qaraı fleshmob ótedi.

Qala turǵyndary men qonaqtary úshin ázirlengen is-sharaǵa toly baǵdarlama 1 mamyr kúni de jalǵasyn tabady.

Osylaısha, Qazaqstan halqynyń birligi kúnine oraı elordada arnaıy aktsııa ótip, onda jurtshylyqqa baýyrsaq taratylady.

M.Ótemisuly atyndaǵy Oqýshylar saraıynda merekelik kontsert, al Prezıdenttik ortalyqta balalar kórkemsýret mektebi tárbıelenýshileriniń sýretterine arnalǵan kórme ázirlenip otyr.

EKSPO halyqaralyq kórme ortalyǵynyń aýmaǵynda 1 mamyr merekesi men QHA-nyń 30 jyldyǵyna oraı «Birlik jarysy» jappaı júgirý is-sharasy ótedi. Munda da elordalyq Assambleıanyń shyǵarmashylyq ujymdarynyń kontserti, sondaı-aq halyqtyq sport túrleri boıynsha sport jarystary ótedi.

«Jastar» teatrynyń alańynda qonaqtarǵa arnap kontserttik baǵdarlama ázirlenip otyr.

Bul kúni «Jastar» saraıynda merekelik kontsert uıymdastyrylady. Qonaqtarǵa arnap túrli etnostardyń halyqtyq-qoldanbaly óneri men ulttyq kıimderiniń etnıkalyq kórmesi uıymdastyrylady, al kontserttik baǵdarlamada arnaıy shaqyrylǵan juldyzdar óner kórsetedi.

Buǵan deıin Aqordanyń baspasóz qyzmeti Memleket basshysy Qasym-Jomart Toqaevtyń Qazaqstan halqy Assambleıasynyń HHHІV sessııasynda sóılegen sózin jarııalady.