Astanada Qazaqstan gepatologtarynyń kongresi ótedi

Bul týraly búgin OKQ ótken baspasóz máslıxatynda QR Densaýlyq saqtaý jáne áleýmettik damý mınıstrliginiń bas gepatology Kúlpash Qalıasqarova málim etti, dep xabarlaıdy QazAqparat.

Kongress jumysyna otandyq mamandarmen qatar, AQSh, Anglııa, Ispanııa, Italııa, Ońtústik Koreıa, Túrkııa, Vengrııa, Armenııa jáne Reseı professorlary qatysady.

«Eldiń barlyq óńirlerinen baýyr aýrýlaryn emdeıtin doktorlar keledi. Bizge mundaı kezdesýler áriptestermen tájirıbe almasýǵa múmkindik beredi. Olar - álemdik gepatologııa salasynda tanymal úzdik mamandar», - deıdi Qalıasqarova. 

Kongreske gastroenterologtar, juqpaly aýrý mamandary, terapevter, jalpy tájirıbe dárigerleri, pedıatrlar, xırýrg transplantologtar, balalar xırýrgi, onkologtar, endoskopııa dárigerleri, dıagnostıkalyq mamandar qatysqaly otyr.

Hırýrgtarmen birge baýyr transplantologııasy máseleleri, S jáne V gepatıtterin emdeýdiń ozyq sheshimderi, baýyr tsırrozy syndy taqyryptar birlesip talqylanady.

«2016 jyly maýsymda Búkilálemdik densaýlyq saqtaý uıymy 2030 jyly S gepatıtinen tolyq arylý baǵdarlamasyn qabyldady. Atalmysh aýqymdy maqsatty oryndaý úshin DDSU birqatar usynystar jasady: 2030 jylǵa qaraı S gepatıtin 90%-ǵa kemitý úshin, dıagnostıkalyq oqıǵalardy 90%-ǵa jetkizý shart», - deıdi bas gepatolog.