Astanada Qazaqstan dıplomatııasy taqyrybynda konferentsııa ótti

ASTANA. QazAqparat - Elordadaǵy L.N. Gýmılev atyndaǵy Eýrazııa Ulttyq ýnıversıtetinde QR dıplomatııa qyzmetine eńbek sińirgen qaıratker, ýnıversıtet professory Saılaý Batyrshaulynyń 75 jyldyǵyna arnalǵan «Qazaqstan Respýblıkasynyń dıplomatııasy: qalyptasýy, damýy jáne keleshegi» atty halyqaralyq ǵylymı-tájirıbelik konferentsııa ótti, dep habarlaıdy QazAqparat.

 
Saılaý Batyrsha-ulyn quttyqtaýǵa QR Syrtqy ister mınıstriniń orynbasary R.Vasılenko, qazaqtyń tuńǵysh ǵaryshkeri, Keńes Odaǵynyń Batyry Toqtar Áýbákirov, QR Din isteri jáne azamattyq qoǵam mınıstriniń orynbasary Berik Aryn keldi. Sonymen qatar birqatar elderdiń Qazaqstandaǵy Tótenshe jáne Ókiletti elshiliginiń ókilderi, Saılaý Batyrsha ulynyń ár jyldarda qyzmettes bolǵan áriptesteri de osy konperentsııanyń qonaǵy boldy.

 
 

Konferentsııa barysynda Qazaqstan Respýblıkasy Parlament Senatynyń tóraǵasy Qasym Jomart Toqaev, QR Prezıdentiniń kómekshisi Nurlan Onjanov, «Nur Otan» partııasy Tóraǵasynyń birinshi orynbasary Muhtar Qul-Muhamed qatarly saıası kóshbasshylar men birqatar oblys ákimderiniń mereıtoılyq quttyqtaýlary oqyldy.sonymen birge konferentsııa aıasynda belgili jýrnalıst Murat Almasbekulynyń Saılaý Batyrshaulymen esse-dıalog retinde jazylǵan «Táýelsizdik jolyndaǵy dıplomatııa» atty kitabynyń tanystyrylymy boldy.

   

«Bul kitaptyń jazylýyna 3 jyldaı ýaqyt ketti. Kitapta belgili dıplomat Saılaý Batyrshaulynyń ómirin dıplomatııamen baılanystyra otyryp, qazaq dıplomatııasynyń tarıhı kezeńderi sóz bolady. Sonymen birge Qazaqstannyń halyqaralyq arenadaǵy orny jáne álemdik dıplomatıka týraly mol maǵulmattar berildi. Basty maqsat - eli úshin eshteńeden taıynbaıtyn kúresker tulǵany aıta otyryp, qazaq dıplomatııasynyń táýelsizdik jolyndaǵy mańyzyn kórsetý, sony dáripteý, keıingi urpaqqa, bolashaqqa úlgi etý. Shyǵarmada ult taǵdyry, til, din, shettegi qandastar jaıy da sóz bolady», - deıdi kitaptyń avtory Murat Almasbekuly.

Konferentsııa barsynda sóz alǵan ǵaryshker Toqtar  Áýbákirov Saılaý Batyrshaulyn 75 jyldyq mereıtoıymen quttyqtaı otyryp, dıplomatııalyq qyzmettiń mańyzdylyǵyna toqtaldy.

 

 «Saılaý Batyrshauly 75 jyly ishinde blimi, bililktiligi, ultjandylyǵy arqasynda  ultymyzǵa, elimizge úlken úles qosty. Eń qıyn kúrdeli kezeńderde shyńdalǵan tulǵalardyń biri. Dıplomatııa - aýyr ári jaýapkershiligi mol qyzmet. Ol -jaqsy kıimmen, jaqsy júrispen ólshenbeıdi. Qate aıtylǵan bir aýyz sóziń bas jaryp, kóz shyǵarýy múmkin. Osyndaı úlken mindetti Saılaý Batyrshauly abyroımen atqara bildi», - dedi Toqtar  Áýbákirov.