Astanada «Qazaqstan daýysy» jobasyna irikteý ótedi
ASTANA. QazAqparat - Erteń Astanada Abaı dańǵyly, 47 mekenjaıy boıynsha «Ramada plaza» qonaq úıiniń ǵımaratynda «Qazaqstan daýysy» mýzykalyq jobasynyń 2-maýsymyna irikteý ótedi.
Jobaǵa 18 ben 50 jas aralyǵyndaǵy oryndaýshylar qatysa alady. Tilek bildirýshiler ózimen jeke kýáligin ala kelýi tıis. Medeý Arynbaev, Nurlan Alban, Mádına Sádýaqasova, Almas Kishkenbaev syndy tanymal juldyzdary tórt komanda quraıtyn bolady. Fınalǵa deıingi árbir kezeńde úmitkerler kásibı komanda tálimgerinen sabaq alady. Aqtyq synǵa tórt qatysýshy ǵana ótedi. Al jeńimpazdardy halyq SMS-daýys berý arqyly anyqtaıtyn bolady.
Eske salaıyq, atalǵan jobanyń birinshi maýsymy ótken jyly ótkizildi. «Qazaqstan d aýysy» 3 kezeńnen turady. Birinshi kezeń - barlyq qatysýshylardy tyńdaý arqyly qazylardyń alqasy óz tobyn qurady. Ekinshi kezeńde ár túrli toptardyń múshelerinen quralǵan juptyq saıys ótkiziledi. Al sońǵy kezeńde jeńimpazdardy halyq daýys berý arqyly anyqtaıdy. Baıqaý jeńimpazy álemge áıgili «Universal» dybys jazý stýdııasymen kelisimshartqa otyrý múmkindine jáne 5 mıllıon teńge qarjylaı syıaqyǵa ıe bolady.
