Astanada Qazaqstan boks federatsııasynyń kýbogynyń aqtyq syny ótýde

Sharshy alańda Qaraǵandy jáne Mańǵystaý oblystarynyń quramalary kezdesýde.

Jarys úılestirýshisi Berik Marjyqbaevtiń habarlaǵanyndaı, QR Qazaqstan boks federatsııasy Kýboginiń ıegeri ózimen birge 50 myń AQSh dollary shamasyndaǵy syıaqyny da alyp ketedi.

Kýbok úshin jarystar ústimizdegi jyldyń 1-2 qazanynda bastalǵan bolatyn. Qazaqstan boks federatsııasynyń kýbogy úshin jarysqa 14 oblys pen Astana jáne Almaty qalalarynyń boksshylary Soltústik, Ońtústik, Batys, Shyǵys bolyp, tórt aımaqtyq dıvızıonǵa bólinip, komandalyq synǵa tústi. Esterńizde bolsa, Kýboktiń byltyrǵy jeńimpazy Astana qalasynyń quramasy dodanyń alǵashqy satysynda Almaty oblysyna 8:2 esebimen jol berip, kútpegen jerde jarystan shyǵyp qalǵan edi.

«Osy jarysta Qazaqstan federatsııasynyń kózine birqatar jas qarymdy boksshylar tústi. Onyń ishinde Qaraǵandy oblysynyń quramasynda 91 kg salmaqta óner kórsetetin Alekseı Sevastıanov, asa aýyr salmaqtaǵy Artem Vasılenok, Mańǵystaý oblysynan Álı Baıbozovty erekshe atar edim», - deıdi QR memlekettik jattyqtyrýshysy Bolat Ábdrahmanov.

Jarys erejeleri AIBA belgilegen olımpıadalyq júıeniń negizinde júrgiziledi.