Astanada «Qazaqstan - bizdiń atamekenimiz» atty beınepanoramalyq kórme ótip jatyr
ASTANA. QazAqparat - «ALJIR» memorıaldy-murajaı kesheniniń «Alash» zalynda «Qazaqstan - bizdiń atamekenimiz» atty beınepanoramalyq kórmesi men dáris sabaǵy uıymdastyrylady. Shara Qazaqstan halqy Assambleıasynyń 20 jyldyǵyna oraılastyrylyp otyr, dep habarlady Astana qalasy ákimdiginiń baspasóz qyzmetinen.
Kórmede kóp ultty Qazaqstan halyqtarynyń birligi men tatýlyǵy jáne Qazaqstan ishki tutastyǵyn saqtaýǵa qosyp otyrǵan úlesi, osy merekeniń elimizde keń kólemde atalyp ótýine barsha Qazaqstan halqynyń atsalysyp jatqandyǵy kórsetilgen. Beınepanoramalyq kórme 1- 20 sáýir aralyǵynda ótedi.
