Astanada «Qazaqstan: birlik pen áralýandylyq jolynda» atty taqyrypta ǵylymı-tájirıbelik konferetsııa ótýde

 dep habarlaıdy QazAqparat.

 Konferentsııanyń maqsaty Memleket basshysynyń Qazaqstan halqy Assambleıasynyń XV sessııasynda usynǵan Qazaqstannyń el birligi doktrınasyn talqylaý bolyp otyr. 6 túrli baǵytta júrgiziletin sektsııa jumystary barysynda Qazaqstannyń el birligi doktrınasy  jobasynyń negizgi baǵyttaryna baılanysty ózara pikir almasylatyn bolady. Sonymen qatar, basqosýda Qazaqstandaǵy etnosaralyq qatynastardyń ǵylymı ólshemderi jáne osy qatynastardyń saıası- quqyqtyq jáne áleýmettik negizderi sııaqty máseleler talqylanady. Buǵan qosa jıynǵa qatysýshy ǵalymdar men zańger mamandar jáne Qazaqstan halqy Assambleıasynyń ókilderi «Etnıkaaarlyq qatynastardyń qazaqstandyq úlgisi: tájirıbe men perspektıvalar», «Qazaqtardyń memleketquraýshy ult retindegi áleýmettik damýy», «Qazaqstandaǵy etnomádenı jáne til máselelerine qatysty jaǵdaı» sııaqty ózge de birqatar taqyryptar boıynsha baıandama jasaıdy.

 Qazaqstan halqy Assambleıasy Hatshylyǵynyń meńgerýshisi Eraly Toǵjanovtyń aıtýynsha, Qazaqstannyń el birligi doktrınasy tek daǵdarysqa qarsy baǵyttalǵan shara ǵana emes, sonymen qatar ol elimiz táýelsizdigin alǵan jyldardan beri memlekette oryn alǵan kúrdeli máselelerdi taǵy bir sarapqa salyp shyǵý bolyp otyr. «Táýelsizdik jyldarynda memleket bolashaǵy jolynda kóptegen sharalar atqaryldy. Búgingi zaman talaby jańa, tyń kózqarastardy qajet etip otyr. Búgingi bizdiń talqylaýymyzǵa usynylyp otyrǵan qujat ta osyndaı maqsattardan týyndap otyr», dedi E.Toǵjanov.  

 Konferentsııa jumysyna ǵalymdar men qoǵam qaıratkerleri, Qazaq gýmanıtarlyq-zań ýnıversıtetiniń prezıdenti, zań ǵylymynyń doktory Maqsut Nárikbaev, Qazaqstan halqy Assambleıasy Hatshylyǵynyń meńgerýshisi Eraly Toǵjanov, halyqaralyq sarapshy, saıasat ǵylymynyń doktory Raýshan Qanapıanova, Qazaqstan Respýblıkasy Prezıdenti Ákimshiliginiń Strategııalyq taldaý men saraptaý ortalyǵynyń sektor meńgerýshisi Ábdijálel Bákir syndy azamattar qatysýda.