Astanada Qazaqstan anımatsııasynyń aptalyǵy ótedi

ASTANA. KAZINFORM – 23 naýryzdan bastap Astanada Qazaqstan anımatsııasynyń aptalyǵy ótedi. Ulystyń uly kúnine oraı úzdik otandyq mýltfılmder tegin kórsetiledi. Bul týraly Sháken Aımanov atyndaǵy «Qazaqfılm» ulttyq kınostýdııasynyń «Qazaqanımatsııa» shyǵarmashylyq birlestigi málim etti. 

Naýryz merekesine oraı úzdik otandyq mýltfılmder kórermenderge tegin jol tartpaqshy. Kórsetilimder 23-27 naýryz aralyǵynda uıymdastyrylady.

Otandyq mýlfılmderdi kishkentaı kórermender tómendegi kınoteatrlardan tamashalaı alady:

• Astana: Ulttyq áskerı-patrıottyq ortalyǵy jáne «Arsenal» kınoteatry.

• Qaraǵandy: «Saryjaılaý» kınoteatry.

Baǵdarlamada:

• 2025 jylǵy jańa mýltfılmder men «altyn qordaǵy» týyndylar.

• Memlekettik tildegi sapaly anımatsııa.

• Shetki garnızondardaǵy (Semeı, Otar, Saryózek) áskerı qyzmetshilerdiń balalaryna arnalǵan arnaıy kórsetilimder.

Anımatsııa aptalyǵynyń ashylý saltanaty 23 naýryz kúni saǵat 12:00-de Ulttyq áskerı-patrıottyq ortalyǵynda ótedi.

Eske sala keteıik, byltyr Astanada «Ulttyq anımatsııalyq fılmder aptalyǵy» qazan aıynda ótken edi.