Astanada «Qazaqstan 51- shi Halyqaralyq matematıka olımpıadasyn qarsy alady!» onkúndigi bastaldy
ASTANA. Sáýirdiń 22-si. QazAqparat /Arman Asqarov/ - Búgin Prezıdenttik mádenıet ortalyǵynda «Qazaqstan 51-shi Halyqaralyq matematıka olımpıadasyn qarsy alady!» onkúndiginiń saltanaty ashylý rásimi boldy,
dep habarlaıdy QazAqparat.
Aıta keteıik, 51-shi Halyqaralyq matematıka olımpıadasy Astana kúni qarsańynda ótpek. Oǵan álemniń barlyq elderinen ozyq matematıkter qatysady. Atalǵan shara Qazaqstanda alǵash ret ótkeli otyr. Al búgin osy is-sharaǵa oraı ashylǵan onkúndik aıasynda san alýan ǵylymı-tájirıbelik konferentsııalardy, sheberlik synyptary men baıqaýlardy ótkizý josparlanyp otyr.
Tarıhty paraqtasaq, 1-shi Halyqaralyq matematıka olımpıadasy 1959 jyly Rýmynııa jerinde uıymdastyrylǵan bolatyn. Oǵan Vengrııa, Bolgarııa, Polsha, Chehoslovakııa, Germanııa jáne Keńes Odaǵy elderi qatysqan. Byltyr olımpıada Germanııada ótken. Qazaqstan osy bilim básekesine 1998 jyldan beri qatysyp keledi.
