Astanada qazaqsha tóbelesten ІІ álem chempıonaty ótedi
ALMATY. 17 qazan. QazAqparat /Erlik Erjanuly/ - Búginde «Qazaqsha tóbeles» sporty Qazaqstanda ǵana emes, búkil álemde qarqyndy damý ústinde.
Bul jaıly ony qaıta túletken belgili rejısser ári prodıýser Erkin ıAlǵashev keshe Almatyda ótkizgen baspasóz máslıhatynda aıtty.
«Kúres óneri - tunyp turǵan ıdeologııa. Ol adamdy tárbıeleıdi, jeke tulǵa retinde qalyptasýǵa úıretedi. Bul - shynaıy óner. Kóptegen shyǵys elderiniń ózindik jekpe-jek túri bar. Japondarda - karate, qytaılarda - kýn-fý, káristerde - taekvando, qazaqtarda - qazaqsha tóbeles. Men kúrestiń qazaqsha tóbeles dep atalatyn túrin qazaqsha kúresti negizge ala otyryp damyttym. Bul kúres túrlerinen turatyn jekpe-jek túri. Búginde ony Amerıkada kóptegen adam jaqsy biledi. Men qazaqsha tóbeles boıynsha Oleg Tahtarov, Bolo Ieng, Kýng Lı, Benı Ýrgıdes syndy sportshylarmen bir zalda jattyqtym», - deıdi búgingi tańda Gollıvýdta jumys isteıtin E. ıAlǵashev. Onyń aıtýynsha, qazan aıynyń aıaq sheninde Astanada «Qazaqsha tóbelesten» ekinshi álem chempıonaty ótedi. Oǵan qurmetti qonaq retinde 10-nan astam gollıvýd juldyzy shaqyrylǵan. Bul chempıonattyń basty jańalyǵy, onda Qazaqstan namysyn - «Aıdahar» atanǵan Don Ýılson men Olıver Grıýner qorǵamaq. Sondaı-aq «Qazaqsha tóbelesten» ótetin ІІ álem chempıonatynan keıin halyqaralyq «Nomad» kınofestıvali bolmaq. Jalpy «Qazaqsha tóbelesten» tuńǵysh álem birinshiligi 2000 jyly Las-Vegasta ótken bolatyn.
«Men aldaǵy ýaqytta da «Qazaqsha tóbelesti» damytqym keledi. Bizdiń qazaqstandyq jekpe-jek túrin, osy sportqa shoǵyrlanǵan ulttyq ıdeıamyzdy nasıhattaýǵa kópshilik qoldaý kórsetedi dep úmittenemin. Bizdiń erjúrek babalarymyz ulan-baıtaq qazaq jerin «Bes qarýdyń» kúshimen qorǵasa, al beıbit kúnderi áskerı daıyndyǵyn shyńdaı túsý úshin «Qazaqsha tóbeles» ótkizip otyrǵan», - deıdi bul is-sharany qoldaýshy «KIT Group» kompanııasynyń prezıdenti, «Khazar Pictures» kıno kompanııasynyń bas prodıýseri Dáýren Musa.
