Astanada «Qazaqsha bilesiń be? Dosyńa úıret!» tildik baıqaýdyń jeńimpazdary marapattaldy
ASTANA. 22 jeltoqsan. QazAqparat /Gúlmıra Álıakparova/ - Búgin Astanada «Qazaqsha bilesiń be? Dosyńa úıret!» atty tildik baıqaýdyń qorytyndysy shyǵaryldy.
Baıqaý Qazaqstan-Reseı ýnıversıteti (QRÝ) stýdentteriniń arasynda Memlekettik tildi damytý Prezıdenttik qory men «Nur Otan» HDP «Jas Otan» jastar qanatynyń uıymdastyrýymen ótti.
Prezıdenttik qor dırektory Abzal Shaýeevtiń aıtýynsha, sharany ótkizýde qazaq tilin birlese úırený qaǵıdaty basshylyqqa alyndy. Máselen, tildi jaqsy meńgergen 20 erikti stýdent ózine «shákirtikke» óziniń kýrstasyn qabyldap, eki aıdyń ishinde oǵan aýyzeki qazaq tilin úıretýi tıis boldy. Oqytý aıaqtalǵannan keıin «shákirtter» «Qaztest» júıesi boıynsha testileýden ótti.
Talaptarymen maqsattaryna jetken jastar búgin saltanatty jaǵdaıda marapattalyp, Prezıdenttik qor men «Beeline» saýda markisinen dıplomdar men baǵaly syılyqtar aldy. Al eń úzdik «shákirt» retinde - menedjment fakýltetiniń 2-kýrs stýdenti Krıstına Georbelıdze men ınformatıka fakýltetiniń 1-kýrs stýdenti Valerıı Ten tanyldy. Olardyń «oqytýshylary» - Ásemgúl Baıbatyrova (menedjment fakýlteti 2-kýrs) men Aqjarqyn Qamshy (ınformatıka fakýlteti 1-kýrs) da qur alaqan qalmaı, qurmetke bólendi.
