Astanada «Qazaqmıras» veb-portalynyń tusaýkeser rásimi ótti
sp;ASTANA. Jeltoqsannyń 23-i. QazAqparat /Aıdar Ospanalıev/ - Búgin Astanadaǵy «Qazaq aqparat agenttigi» ulttyq kompanııasynyń baspasóz ortalyǵynda «Qazaqmıras» veb-portalynyń tusaýkeser rásimi ótti,
dep habarlaıdy QazAqparat.
Esterińizge sala keteıik, búgingi tańda elimizde memlekettik tapsyrys negizinde Astana qalalyq Іshki saıasat basqarmasynyń qoldaýymen «Ulttyq mádenıetti ınternet arqyly nasıhattaý jáne kópshilikke taratý» atty áleýmettik jobasy júzege asyrylýda. Onyń maqsaty - ulttyq qundylyqtarymyzdy, salt-dástúrlerimizdi, klassıkalyq shyǵarmalarymyz ben mádenıetimizdi aqparattyq tehnologııalar arqyly nasıhattaý, ınternettegi jáne elektrondy keńistiktegi memlekettik tildiń qoldanys aıasyn keńeıtý bolyp tabylady.
«Qazaqmıras» (www.kazakhmiras.kz ) veb-portaly atalmysh joba aıasynda júzege asyrylyp otyrǵan dúnıe. Ulttyq mádenıetti ǵalamtor arqyly nasıhattaýǵa baǵyttalǵan portal 15-16 bólimnen turady. Veb-portaldyń avtory jáne jetekshisi belgili prodıýser Qydyráli Bolmanov, al keńesshisi L.Gýmılev atyndaǵy Eýrazııa Ulttyq ýnıversıtetiniń oqý-ádisteme jáne strategııalyq damý jónindegi prorektory, fılologııa ǵylymynyń doktory, professor Dıhan Qamzabekuly. Joba aıasyndaǵy jumystardy «Mássaǵan» ulttyq veb-portaly demeýshileriniń «Jiger odaǵy» qoǵamdyq birlestiginiń ókilderi júzege asyrady.
