Astanada qazaqy tazylardyń kórmesi ótedi
ASTANA. KAZINFORM – 19 qyrkúıekte elordada qazaqy tazyǵa arnalǵan mono tuqymdyq kórme men baıqaý ótedi, dep habarlaıdy Qazaqstan kınologtary odaǵy.
Іs-shara halyqaralyq ıt kórmesi aıasynda uıymdastyrylady. Kórme qazaqy tazylardy sheteldik sarapshylarǵa, kınologtarǵa, selektsıonerlerge jáne kópshilikke keńinen tanystyrýǵa múmkindik beredi.
Kórme barysynda qazaqy tazylar arnaıy saraptamalyq baǵalaýdan ótedi. Mamandar olardyń tuqym standartyna sáıkestigi men sapalaryn baǵalap, úzdik ókilderin anyqtaıdy.
– Іs-sharada qazaqy tazy tuqymyn saqtaý men asyldandyrý jumysyna erekshe nazar aýdarylady, – delingen uıymdastyrýshylardyń aqparatynda.
Kórme 19 qyrkúıekte Astana – Qaraǵandy tasjolynyń boıyndaǵy Prestige Horse Club aýmaǵynda ótedi. Qatysýshylardy tirkeý saǵat 09:00-de bastalyp, kórmeniń resmı ashylýy saǵat 10:00-ge josparlanǵan.
Aıta keteıik, qazaq tazysyn qalaı tanýǵa bolatynyn mynaý siltemeden bile alasyz.
