Astanada «Kazakhstan Education Abroad» kórme-forýmy óz jumysyn bastady
ASTANA. 13 naýryz. QazAqparat - Búgin Astanada 2-International Education Fairs, Study Innovations kompanııalary men Qazaqstan Respýblıkasy Bilim jáne ǵylym mınıstrligi «Halyqaralyq baǵdarlamalar ortalyǵy» AQ uıymdastyrýymen «Kazakhstan Education Abroad» kórme-forýmy óz jumysyn bastady.
Sharada 100-den astam sheteldik eń úzdik oqý orny men 30-ǵa tarta qazaqstandyq joǵary oqý orny óz qyzmetterimen tanystyrýǵa múmkindik alyp otyr.
«Halyqaralyq baǵdarlamalar ortalyǵy» AQ-nyń prezıdenti Saıasat Nurbektiń aıtýynsha, forýmǵa túrkııalyq «A-2» jáne qazaqstandyq «Stadıı In» kompanııalary qoldaý jasaǵan. Búgingi kúni sheteldik joǵary oqý oryndarymen birlesken sessııalar ótedi. Brıtan keńesiniń, Germanııa akademııalyq tájirıbe almasý jáne basqa da sheteldik bilim qurylymdarynyń qatysýymen dóńgelek ústel otyrysy da uıymdastyrylmaq.
Al erteń, 14 naýryzda sheteldik joǵary oqý oryndarynda bilim alǵysy keletinder úshin jármeńke ótedi. 15-16 naýryzda «Halyqaralyq bilim» kórmesi Almatyda «Atakent» kórme kesheniniń «Bahchısaraı» pavılonynda ótedi.
Іs-shara «Bolashaq» baǵdarlamasy áriptesterine bakalavr jáne magıstr dárejelerin alýǵa, tildik mektepterde oqýǵa nıetti stýdentterdi tartýǵa, sondaı-aq halyqaralyq bilim alýdy maqsat etken myńdaǵan stýdenttermen tanysýǵa jáne olardy tartýǵa múmkindik beredi.
