17:58, 14 Qańtar 2019 | GMT +6
Astanada qazaq tilin tegin oqý kýrstaryna jazylý bastaldy
ASTANA. QazAqparat - Elordanyń kez kelgen turǵyny qazaq tilin tegin oqytý kýrstaryna jazyla alady, dep habarlaıdy Astana ákimdiginiń resmı saıty.
Tilderdi damytý jáne arhıv isi basqarmasy, «Rýhanııat» kommýnaldyq memlekettik mekemesi 2019 jyly elordalyq eresek turǵyndarǵa qazaq tilin qarapaıym deńgeıden joǵary deńgeıge deıin meńgerý boıynsha tegin oqytý kýrsyna jazylý bastalǵanyn habarlaıdy.
Vedomstvoda málimdegendeı, qazaq tilin meńgerýge arnalǵan tegin kýrstar 2019 jyldyń qańtar-qarasha aılarynyń aralyǵynda qalannyń tórt aýdanyndaǵy oqý zaldarynda oqytylatyn bolady.
Kýrs barysynda tyńdaýshylar qajetti oqý quraldarymen qamtylady.
Kýrsqa jazylý jáne ózge de suraqtar boıynsha +7 (7172)77-93-37 baılanys nómirine habarlasýǵa nemese ryhaniat@gmail.com elektrondyq poshtasyna habarlama joldaýǵa bolady.
