Astanada «Qazaq tilin oqytýdyń úlgi baǵdarlamasyn iske asyrý tetikteri» atty dóńgelek ústel ótedi
ASTANA. 17 tamyz. QazAqparat - Astanada búgin Qazaqstan Respýblıkasy Mádenıet jáne aqparat mınıstrliginiń Til komıteti 2012 jylǵy 17 tamyzda úzdiksiz bilim berý modeli arqyly «Qazaq tilin shetel tili nemese ekinshi til retinde oqytý» ádistemesi negizinde ázirlengen
«Qazaq tilin oqytýdyń úlgi baǵdarlamasyn iske asyrý tetikteri» atty dóńgelek ústel ótkizedi, dep habarlady mınıstrliktiń baspasóz qyzmeti.
Dóńgelek ústelge belgili ǵalymdar, qoǵam qaıratkerleri, salalyq mamandar men oqytý ortalyqtarynyń basshylary qatysady.
Qazaqstan Respýblıkasynda tilderdi damytý men qoldanýdyń 2011-2020 jyldarǵa arnalǵan memlekettik baǵdarlamasynyń birinshi kezeńinde (2011-2013 jyldar) kózdelgen maqsattaryna sáıkes memlekettik tildi oqytýdyń ádisnamasyn jetildirý men standarttaý arqyly memlekettik tildi oqytýdyń ınfraqurylymyn damytý josparlanǵan.
Sońǵy jıyrma jylda qazaq tilin túrli ádistemeler arqyly oqytýǵa baılanysty elimizdiń ár óńirinde ár túrli oqytý baǵdarlamalarynyń paıda bolýyna ákeldi. Sondyqtan da qazaq tilin oqytýdyń ortaq negizgi normatıvti qujaty sanalatyn tıptik baǵdarlamany qalyptastyrý - kún tártibindegi ózekti másele ári ýaqyt talaby.
Mundaı aýqymdy jobalardy Til komıtetiniń tapsyrysy boıynsha «Ulttyq testileý ortalyǵy» RMQK júzege asyrýda.
Onyń nátıjesinde tildi oqytýdyń Memlekettik standarttary bekitilip, barlyq tildi oqytý ortalyqtary osy standarttarmen qamtamasyz etildi; ár deńgeıge qajetti leksıkalyq mınımýmdar ázirlendi, tildi oqytý ortalyqtaryna jetkizildi; tildik bilimdi baǵalaıtyn baǵalaý quraldary qalyptastyrylyp, onyń daıyndalý kitaby baspadan shyǵaryldy; kompıýterlik baǵdarlama ázirlenip, barlyq ortalyqtarǵa jetkizildi.
Ázirlenip otyrǵan Qazaq tilin oqytýdyń úlgi baǵdarlamasy respýblıkamyzdyń barlyq memlekettik tildi oqytý ortalyqtarynyń ádiskerleri, jetekshi mamandarynyń jáne bedeldi, tájirıbeli fılolog-ǵalymdardyń birlese atqarǵan tııanaqty jumystarynyń nátıjesinde qalyptasty.
Tıptik baǵdarlama jobasy aımaqtarǵa kelisimge jiberildi jáne táýelsiz saraptamadan ótti. Saraptama qorytyndysy boıynsha aımaqtardan kelgen usynystar tizbegi eskerile otyryp, ózgerister men túzetýler engizildi.
Qazaq tilin eresekterge oqytýdyń barlyq jumys baǵdarlamalary tek osy úlgi baǵdarlama negizinde ázirlenetin bolady. Qazaq tilin oqytýdyń mazmuny men kólemi naqty belgili boldy, ıaǵnı júıelendi.
Endigi rette, atalǵan tıptik baǵdarlamany qoldanysqa engizý josparlanyp otyr.
