Astanada Qazaq televızııasynyń ardagerlerine qurmet kórsetildi
ASTANA. QazAqparat - «Tumar» ulttyq televızııalyq báıgesiniń jeńimpazdaryn marapattaý kezinde Qazaq televızııasynyń ardagerlerine qurmet kórsetildi, dep habarlaıdy «QazAqparat» HAA tilshisi.
Eske sala ketsek, «Tumar» ulttyq televızııalyq báıgesiniń jeńimpazdaryn marapattaý saltanaty bıyl Qazaq televızııasynyń 60 jyldyǵyna arnalyp otyr. Tilshilermen, televızııada eńbek etetin mamandarmen, qoǵam qaıratkerleri jáne estrada juldyzdarymen birge saltanatty sharaǵa Qazaq televızııasynyń ardagerleri de shaqyryldy. Shara barysynda QR Aqparat jáne kommýnıkatsııalar mınıstri Dáýren Abaev olardy «Qazaq televızııasyna 60 jyl» mereıtoılyq medalimen marapattady.
Jýrnalıstıka ardagerleriniń aldynda quttyqtaý sóz sóılegen mınıstr álemniń tynymsyz ózgeriske ushyrap kele jatqanyn, álemmen birge tehnologııalar, aqparattyq jetkizý, jańalyqtar men telebaǵdarlamalardyń formattary da ózgeris jolynda ekenin jetkizdi. Biraq, bunyń bári bir nárseni ǵana - óz isine degen mahabbatty, kórermenge degen qurmetti, jetildirý jolyndaǵy árdaıym damý qulshynysyn ózgerte almaıdy.
«Memleket basshysy árdaıym óz sózinde el ómirindegi BAQ rólin erekshe atap ótip, medıa salanyń damýyna erekshe mán beredi. Oǵan kýá retinde zamanaýı ınfraqurylymdy, salanyń damýyna bólinetin aýqymdy dotatsııany aıtyp ótýge bolady», - degen mınıstr Qazaq televızııasynyń ardagerlerine alǵysyn bildirdi.
Qazaq televızııasynyń ardagerleri Astanada arnaıy uıymdastyrylǵan resmı marapattaý saltanatyna shaqyryldy. Bıyl «Televıdenıeniń 60 jyldyǵy - televıdenıege qosqan úlesi úshin» arnaıy syıaqysy taǵaıyndalyp otyr.
