Astanada Qazaq tazysy kúnine arnalǵan chellendj ótip jatyr
ASTANA. KAZINFORM — Astanada Qazaq tazysy kúnine oraı mádenıet salasynyń ókilderi men jastar «Tazy — jeti qazynamyzdyń biri» shyǵarmashylyq chellendjine qosyldy, dep habarlaıdy elorda ákimdiginiń resmı saıty.
Bul bastama ulttyq mura men zamanaýı tehnologııalardy toǵystyrady. Jas ári qarqyndy damyp kele jatqan elorda úshin bul dástúrlerdiń jańa býynǵa da qyzyqty ekenin jáne zamanaýı tsıfrlyq keńistikte óz ornyn taba alatynyn kórsetýdiń bir múmkindigi.
Chellendj elorda turǵyndarynyń nazaryn qazaq tazysyna aýdarýdy maqsat etedi. Tazy — tek biregeı ıt tuqymy ǵana emes, tarıhı jadymyzdyń, mádenıetimizdiń jáne ulttyq bolmysymyzdyń bir bóligi.
— Búginde qazaq tazysy ulttyq tuqymdar arasynda aıryqsha oryn alyp, Qazaqstannyń mádenı jáne tarıhı murasyn álemdik deńgeıde tanytyp júr. Halyqaralyq is-sharalarǵa qatysý tazyny keńinen nasıhattaýǵa, onyń tanymaldyǵyn arttyrýǵa jáne álemdegi mártebesin nyǵaıtýǵa yqpal etedi, — dedi Qazaqstannyń eńbek sińirgen qaıratkeri, A. Mambetova atyndaǵy memlekettik drama jáne komedııa teatrynyń aktrısasy Gúlmıra Jakılına.
Chellendjge kez kelgen adam qatysa alady. Ol úshin shyǵarmashylyq jumysyn oryndap, áleýmettik jelide jarııalaý qajet.
Osyǵan deıin habarlanǵandaı, 3 qyrkúıek — Qazaqy tazy men tóbet kúni Jibek Joly telearnasy Prezıdent Teleradıokesheni túsirgen «Tazy. Ult qazynasy» derekti fılmin kórsetedi.
