Astanada «Qazaq Motsartynyń» jeke kontserti ótti
ASTANA. QazAqparat - Elordada «Qazaqtyń Motsarty» atanǵan Rahat-Bı Ábdisaǵınniń shyǵarmashylyq keshi ótti, dep habarlaıdy QazAqparat.
Kompozıtor ári pıanınoshy, ónertaný ǵylymdarynyń magıstri,100-den astam klassıkalyq týyndynyń avtory Rahat-Bı Ábdisaǵın «Astana Opera» teatrynda «Zymyran Zaman» atty kontsertin usyndy.
Kesh barysynda jas daryn 8 úzdik týyndyny oryndady. Olardyń qatarynda «Romantızm jańǵyryǵy», «Ómirge qushtarlyq», «Táńir turaǵy», «Nurly jol» jáne «Tym-tyrystyń tyrsyly» shyǵarmalary bar. Olardyń beseýi Qazaqstandaǵy premera.
Rahat-Bı «Daryn» Memlekettik jastar syılyǵynyń laýreaty, TMD Parlamentaralyq Assambleıasynyń «Mádenıet pen ónerge qosqan úlesi úshin» qurmet belgisiniń ıegeri, P.Chaıkovskıı atyndaǵy Halyqaralyq konkýrsy laýreattary qaýymdastyǵynyń múshesi, «Qazaqstannyń 100 jańa esimi» ulttyq jobasynyń jeńimpazy. Búgingi kúni onyń shyǵarmalaryn Eýropa, Azııa jáne Amerıka elderiniń sımfonııalyq orkestrleri, kameralyq ansamblderi men ataqty solısteri oryndap júr.
Eske salaıyq, Rahat-Bı Ábdisaǵın jeke kontserti aldynda oryndalatyn týyndylar týraly tolyǵyraq aıtyp bergen bolatyn.
Foto: astanaopera.kz
