Astanada «Qazaq kúshiniń kartasy» atty arnaıy joba tanystyryldy
ASTANA. KAZINFORM — Búgin Astana qalasyndaǵy Ulttyq akademııalyq kitaphanada «Baluan tas» ulttyq sport túrleri jáne mádenıeti akademııasynyń kitap kórmesi men biregeı jobasynyń tusaýkeseri ótti.
Atalǵan jıynǵa tanymal jýrnalıst, senator Bıbigúl Jeksenbaı jetekshiligindegi «Bas redaktorlar klýby» qoǵamdyq birlestiginiń músheleri, sondaı-aq sport pen mádenıet, bilim-ǵylym jáne aqparat salalarynyń qaıratkerleri men ókilderi qatysty.
Bul is-sharada «Akademııa» jumysy men josparlary, qazaqtyń ulttyq sport túrleri men mádenıeti týraly qundy aqparattar berildi. Sonymen qatar belgili kúsh mádenıetin zertteýshi, sport mádenıetine arnalǵan birneshe kitaptyń avtory Abylaıhan Qalnazarovtyń qazaq kúresi men palýandar, asyq atý, kókparǵa qatysty birqatar kitaptarynyń «demo» versııalary jáne «Qazaq kúshiniń kartasy» atty arnaıy jobasy tanystyryldy.
Aıta keteıik, «Baluan tas» ulttyq sport túrleri men mádenıeti akademııasy – qazaq halqynyń barlyq dástúrli sportyn saqtaý, damytý jáne halyqaralyq deńgeıde tanymal etýge baǵyttalǵan ınnovatsııalyq ortalyq. Bul «akademııa» ulttyq sport túrleriniń fızıkalyq, rýhanı-mádenı jáne zııatkerlik qundylyqtaryn zerttep zerdelep, bolashaq urpaqqa jetkizýdi jáne sport arqyly eldik rýhty kúsheıtýdi kózdeıdi. Ol 17 naýryzda ulttyq sport túrleri zertteýshileri men ǵalymdarynyń bastamasymen Astana qalasynda qurylyp, óz jumysyn bastady. Jetekshisi jáne quryltaıshysy Abylaıhan Qalnazarov.
Aıta ketelik Elordada Momyshulynyń kitaptary, hattary men kartalary qoıylǵan kórme ashylǵan edi.